Marcos 13

యేసు అంతంను గురీంచీ జత్తన్ తీరావో కరి బొలాను

1 యేసు మంధిర్‍మతూ జాతో ర్హావమా, తెదె సిష్యుల్మా ఏక్ జణూ, "బోధకుడ్‍! ఆ ఫత్రా కెజాత్నూకి అధ్బుతంనూ, ఫత్రాంతీ భందైర్యూతె మిద్దియే కెజాత్నూకి దేక్కరి బోల్యా."

2 ఇనటేకె యేసు బోల్యొ, "ఆ మోటు బాంది రాఖ్యుతె దేఖుకరస్ని, ఫత్రోఫర్ ఫత్రో ఉబార్సే కొయినితిమ్ పడిజాసె."

కష్టాల్ హింసల్

3 యేసు దేవ్ను మంధిర్‍నా హాఃమె ఛాతె ఒలీవా పహాడ్ ఫర్ బేసీన్ ర్హావమా ఇనకేడె ఇన సిష్యుల్ పేతుర్, యాకోబ్‍, యోహాన్, బుజు అంద్రెయబి థా. 4 ఇవ్నె ఇనా పుఛాయా, "ఆ హాఃరు కెదేహుసె కెహూ గుర్తుర్హాసె." యో హమ్నబోల్.

5 యేసు ఇవ్నెతి అమ్ బోల్యొ, "కోన్బి తుమ్న మోసంకరకొయినితిమ్ జత్తన్ ర్హవొ." 6 కెత్రుకి జణు మారనామ్తి ఆయిన్, "యో మేస్ క్రీస్తుకరి బోలిన్ కెత్రుకి జనభోవ్నా మోసంకర్సె." 7 తుమె యుధ్దాల్నా బారెమాబి లఢాయినూ బాటమా సమాచార్నా హాఃమ్జతెదె, గబ్రావుసూనొకొ; అమ్ హూవనూస్‍ ఛా పన్కి అంతమ్ అత్రే జల్దీస్ ఆవ్సెకొయిని. 8 అద్మినఫర్‍ అద్మి, రాజ్యంను ఉప్పర్‍ రాజ్యం విరుధ్దంతి ఉట్సె, ఎజ్గా యెజ్గా జమీన్ హాల్సె, ఖాల్ ఆవ్సె, కతొ జణనూ ధరత్నూ జోణ్ను వేదననా సురూహుసె.

9 "తుమార బారెమా తుమె జతన్తి ర్హహో." ఇవ్నె తుమ్న సభల్మా ధరావ్సె; భందైన్ న్యావ్నుజొగొమా ఉభర్‍స్యూ న్యావ్‍ను జొగొమా తుమే కొల్డావ్తి మార్ ఖాసూ, మారటేకె తుమె రాజొనాహాఃమె మోట్టావ్ను హాఃమెబి ఉబ్రీన్ సాక్చ్యాం బోలను ఛా. 10 హర్యేక్‍ అద్మియేనా అగాఢి సువార్తనా ప్రచార్ కరీన్‍ బొలావ్నూ. 11 ఇవ్నె తుమ్న బాంధింలీన్ పుఛ్చావనాటేకె లీన్ జావను వొహఃత్, తుమె సాత్ బోల్నుకరి అగాఢీస్ ఛింత నొకొహుసూ, యో వహఃత్‍మా తుమ్న సాత్ సోచ్చావస్కీ యోస్ బోలొ, సానకాతొ తెదె వాతెబోలుకరతె తుమె కాహె పరిసుద్ధాత్మాస్‍ తుమారమతూ వాతెబోల్సె. 12 భైయ్యే భైయ్యేనస్ మరైనాక్నుకరి దేక్సె, ఇమ్మస్ భా బీ ఇనా ఛియ్యో మరణ్‍నా కారణ్ హుసే, లఢ్కా ఆయా భానా మరౌనూకరి దేక్సె. 13 మారు నామ్‍మా హాఃరవ్నహాతె గాళెఖాసూ, పన్కి ధర్తీను ఆఖరితోడి కోణ్ సహీంచీన్‍ ర్హాస్కి దేవ్ ఇవ్నా బఛ్చావ్సె.

అపవిత్రంనూ

14 "కెదె తుమె ఉజ్జాడ్‍హుయూతె యో కర్రాబ్ రాచ్చు ఉబ్రాకొయింతె జొగొమా ఉబ్రాను*13:14 నాషనంనా తుమె దేఖ్యాతెదె పఢవాళు అర్థంకర్నూ" యూదయమా ర్హవ్వలు ఫహాడ్‍కనా మిలాలిజవొ. 15 ఘర్నఉప్పర్‍ ర్హవ్వాళు ఘర్‍మతూ కెహూబి లీన్ జానుకరి ఉత్రీన్ ఇన్మా జైన్ లీన్ నా ఆవ్ను. 16 ఖేథర్మా ర్హావ్వాళు ఇను లుంగ్డా లేవానటేకె ఇన ఘేర్ కన నాఆవ్నూ. 17 ఆయో! యో ధన్మా బేజిణి వాళునహో చెరాళి బాయికోహో, ఇవ్నా కెత్రె కష్టం ర్హాస్కి కాహేనా. 18 "ఇమ్నూ ట్హండ్నా ధన్ నా ఆవునూ కరి దేవ్ నా ప్రార్థనకరో." 19 యో మీన్హాత్ నూ ధన్, దేవ్ బాణాయోతే జామానేతూ హంకెతోడిన ఇమ్నూ మిన్హత్ కోహుయుని, బుజు కెదేబి ఆవ్సెకొయిని. 20 పన్కి దేవ్ యోధన్నా, కమ్‍నా కర్యొహోత్‍థొతెదె కోన్బి భచ్యూహోత్ కొయిని, యో ఏర్పఛిరాక్యొతె ఛోతె హాఃచెలవాలనసటేకె యోధన్నా కమ్ కర్సె.

21 పన్కి త్యొధన్‍మా హదేక్ క్రీస్తు అజ్గఛాకరి, ఎజ్గఛాకరి, కోన్‍బి తుమ్హారేతి బోల్యుతొ నొకొనంస్యూ. 22 కతొ, చ్హాడ్‍ క్రీస్తు, ఛాడ్‍ ప్రవక్తల్ ఆయిన్, అద్భుతంనాబి ఆక్చర్యంనా కరీన్ చూనిరాక్యొతె అద్మియేనా కోసిస్ కరీన్ ఇవ్నా మోసం కర్నూకరి సూచక క్రియల్నా, మహాన్‍కార్యాల్‍నా వతాల్సె. 23 ఇనటేకె తుమె జత్తన్‍ ర్హహొ; హదేక్ సమాస్తంహాఃరు తుమార అగాఢి బోలిరాక్యొస్.

అద్మినొ ఛియ్యో ఆవను

24 త్యొధన్‍మా కష్టల్ హాఃరు హుయిజావదీన్

రాత్‍ సూర్యుడ్‍నా అంధారు కర్సె,

చందమామ ఇనూ ఉజాలునా దిసెకొయిని,

25 ఆకాష్ మతూ షుక్కర్ పడిజాసె.

ఆకాష్‍మాను షక్తిహాఃరు హల్సె.

26 తెదె అద్మినొ ఛియ్యో మోటు థాఖత్తి, ప్రభావంతి ఇను మహిమమా మబ్బునావుప్పర్ ఆవనూ అద్మిహాఃరు దేక్చె. 27 తెదె యో ఇన దేవ్ను దూతల్‍న్నా మొక్లిన్ ధర్తినూ చార్ బాజుమతూ ఏర్పరాక్యొతె ఇవ్నా ఏక్ జొగె కర్సె.

అంజురంనూ ఝాడనూ ఉపమాన్

28 "అంజురంనూ ఝాడనదేఖిన్ ఏక్ ఉపమాన్నా సిఖొ." ఇనుఢాలి బుజు కవ్లూ ఇగూర్ మ్హెంద్యుతొ తడ్కను ధన్ ఆయిత్రుకరి మాలంకర్చు. 29 ఇమ్మస్ "ఆహాఃరుహువనూ దేఖ్యతెదె యోకందేస్ ధర్వాజనూ హాఃమేస్ ఛాకరి తుమె మాలంకర్సు." 30 మే ఖఛ్చితనంతీ బోలుకరూస్, "ఆహాఃరు హువతోడి ఆపిఢి ఉజ్జాడ్‍హుసె కొయిని." 31 ఆకాష్‍తోబి ధర్తితోబి మట్సే పన్కి మారివాతె మట్సెకొయినికరి.

యేసు ఆవను కినాబి మాలంకొయిని

32 యో ధన్నా బారెమా యో వహఃత్‍నా బారెమా భానా తప్ప బుజు దేవ్ను దూతల్‍నాబి మాలంకొయిని. 33 జత్తన్తి ర్హహొ; హొషార్తి ర్హహిన్, యో కెహూవహఃత్నా ఛా తుమ్న మాలంకొయిని. 34 ఏక్‍ అద్మి ఇను దాసుల్‍నా అధికార్‍ దీన్‍ దూర్‍నూ దేహ్క్ మా మ్హెందిగయోతే ఇనూ జోడ్ను. ఏక్ మాలిక్ ఇన దాసుడ్‍నా కామ్ కరనాటేకె ఉబ్బారిరాఖిన్, హర్యేక్ జణనా కామ్ ధీన్ హొషార్తీరహోకరీ ద్వారపాలనా ఆజ్ఞదేవను, ఘర్ బేందీన్ దేహ్క్ గయో తిమ్మాస్. 35 ఇనాటేకె తయార్‍ ర్హవో, "ఘర్‍నా మాలిక్ ధన్ డుబానా ఆవస్కి, వ్హానేక్హాత్రేస్ ఆవస్కి, ఆ అధిరాత్ మా ఆవస్కి, ముర్గువాఖ్హదీన్ ఆవస్కి, కెదెఆవస్కి తుమ్న మాలంకొయిని." 36 యో అకాష్మమత్తుమా "యో ఆవానూ వహాఃత్ తుమే లిందర్‍ రవ్వాను నాదేక్నుతిమ్ యో వహాఃత్ హొషార్‍తి ర్హహో." 37 "మే తుమారేతి బోలుకరుతె హాఃరెతీబి బోలుకరూస్ జత్తన్‍తి ర్హహొ."