మార్కు 6

35 గ్హణు ధన్‍డుబమా ఇనా పా‍సల్ ఇను సిష్యుల్ ఇనకన ఆయిన్, ఆ జాఢినుజొగొ "హంకెతొడి గ్హణు ధన్ డుబీగయూ; 36 తెదె అష్పీస్ ఛాతే క్హయర్‍మహొ, గామ్‍మాహో, ఇవ్నే జైయిన్, ధాన్‍నాటేకె సాత్‍బి మోల్‍ల్యావనా ఇవ్నా బోలి మోక్లిదాకరి బోల్యా."

37 ఇనటేకె యేసు, తుమె ఇవ్నా ధాన్ నాఖొకరీ బోలమ, ఇవ్నే బొల్యా, హామే జైయిన్ "బేఖ్హో దేనారంనా*6:37 బేఖ్హో రూపనూ దేనరల్ కతో ఏక్ అద్మిను ఆట్ రోజ్ను కూళి రొట్టామోల్లీన్ ఇవ్నా భాగ్ పాఢీన్ బేంద్‍చున్నా?" కరి ఇనేతి పుఛ్చావమా.

38 అనటేకె యేసు "తుమారకనా కెత్రా రోటఛ్చా? జైయిన్ దేహొఃకరీ ఇవ్నేతి బోల్యొ." ఇవ్నే జైయిన్ దేఖిన్ ఆయిన్, "ఫాచ్ రొట్టా, బే మాస్లా ఛాకరి బోల్యా."

39 తెదె యేసు బోల్యొ, హాఃరవ్నా న్హాను గాహ్క్ ను బల్డమా వరసమా బేహాఃడొ, కరి సిష్యుల్‍తి ఆజ్ఞదీన్ బోల్యొ. 40 ఇవ్నె ఖొః అద్మియేనూ పాంబల్‍, అడైహ్ అద్మి పాంబల్‍నితరా బేసిగు. 41 తెదె యేసు, "పాచ్ రొట్టాన, బే మస్లాన పల్లీన్, ఆకాష్‍మ్హణీ దేఖిన్ ఆసీర్వాదించీన్‍, యోరొట్టాన తోఢిన్‍ ఇవ్నా నాఖానటేకె ఇన సిష్యుల్‍నా దేవమా" యో బే మాస్లన హాఃరవ్‍నా నాఖిదీదు. 42 ఇవ్నే థక్ తోఢిన్ ఖైయిన్ హుయిజావదీన్, 43 పాస్సల్‍తి మిగ్లిగుతే మాస్లాహొ రోట్టాన టుక్డాహో భార టోక్రా భరీన్ పాడ్యు. 44 యో రోట్టాబి మాస్లా ఖాద్యుతె ఇవ్నె నకోతోబి పాచ్‍హజార్‍ మరద్మాన.