Marcos 7

ఏక్‍ బాయ్‍కోను విష్వాస్‍

24 యేసు ఎజ్గతూ నిఖీన్ తూరు సిదోను కరి ఇలాహోఃమా జైయిన్‍, ఏక్ ఘర్‍మా గయో, ఆవాత్ కినాబి నామాలంపన్నూ కరి ల్హైయిగో, పన్కి యో కినాబి మాలం నాపన్నూ తిమ్ ర్హవనా కోహూయుని. 25 ఛంద్‍ ధరాక్యుతె ఏక్ న్హానిఛొగ్రిని ఆయా, యో ఇను గూర్చి హఃమ్జీన్, తెదేస్ ఆయిన్ ఇన గోఢనావుఫర్ పడిగి. 26 అన్యుల్ని ఏక్ బాయికొ సురోఫేనికయ*7:26 కతో సిరియామనూ ఏక్ ప్రాంతం ఇనా ఫోనిషియా కరీన్బి బోలస్. నూ జాత్మ ఫైదాహుయితే గ్రీసు దేహ్ఃవాళి యోబాయికోనా చొగ్రీమతూ భూత్‍నా బ్హాదర్ నహాఃడ్‍కరీ ఇనేతి బతిమాల్‍ది.

27 యేసు ఇనేతి బోల్యొ, ఇనామ్హణె దేఖిన్ "అగఢి లఢ్కా పేట్ భరీన్ ఖానూ; లఢ్కానూ రోట్టనాలీన్ కుత్ర్యాను చెల్కానా నాఖను అష్యల్ కాహె."

28 ఇనటేకె యో ఇనేతి, హాఃఛీస్ ప్రభూ "కుత్రాన చేల్కబి ధాన్ ఖావనా బల్లనా హేట్ బేసీన్, లడ్కా ఖాతివొహోఃత్ నాఖతె రోట్టనా కుత్ర్యా పాఢీన్ ఖాస్ని" కరి ఇనేతి బోలి.

29 ఇనటేకె యో ఇనేతి బోల్యొ, "తూ తార ఘర్‍కనా జా! భూత్‍ తారి ఛోరిమతూ మ్హెందీన్ ఛలీగు."

30 యోబాయికో ఘేర్‍కనా ఆయిన్, ఇని ఛోరీన భూత్‍ మ్హేందీన్ జావను బుజు మంచఫర్ ఖూత్తిర్హావను దేకి.