మత్త 14

యేసు పాచ్‍ హజార్‍ అద్మినా ఖాణు ఖడావను

13 యేసునే యోహాఃబర్‍ హఃజీన్ డోంగా చఢీన్ జాఢిమా జొగొమా ఎకేలోస్‍ గయో. అద్మిహాఃరు యోహాన్నా హుయూతె ఆవాత్ ఖంజీన్, యోమాలంకర్లిన్ నంగర్తూనిఖీన్ గోడతీచాలిన్ ఇనకేడె గయూ. 14 యో ఆయిన్ యోమోటు గుమ్మల్ హాఃరవ్నా దేఖిన్, ఇవ్నపర్ గోర్ హుయిన్, ఇవ్నెమా రోగ్ వాలనా స్వస్థతకర్యో.

15 హాఃజే హుయుతెదె సిష్యుల్ ఇనకనా ఆయిన్ ఆ జాఢినూజొగొ, హంకేస్ ధన్ డుబిగయూ, ఆ అద్మిహాఃరు గామ్మా జైయిన్ ఖావనూ రాచుహాఃరూ లేవనటేకె ఇవ్నా మొక్లిదాకరి బోల్యూ.

16 యేసునే ఇవ్నే జావనా అవసరం కొయినీ పన్కి, "తుమేస్ ఇవ్నా ఖాణు నాకో" కరి ఇవ్నేతీ బోలమా

17 ఇవ్నే హంకె అప్నకనా పాచ్ రోటా భే మాస్లా తప్ప బుజు కాయిబీ కొయినీకరీ ఇనేతి బోల్యొ.

18 ఇనటేకె యో ఇన మారకనా లీన్ ఆవోకరీ బోలిన్; 19 ఎజ్గా న్హాను గాహ్క్ బేసిన్ ర్హాకరి అద్మి హఃరౌనా బోలిన్, యో పాచ్ రోటనా, భే మాస్లనా ధరీన్ ఆకాష్‍ భణే దేఖిన్ ఆషీర్వాద్‍ కరీన్, యోరోటవ్నా తోడిన్ ఇన సిష్యుల్‍నా దిదో ఇవ్నే అద్మిహాఃరౌన భాగ్ పాడిన్ దిదూ.

20 ఇవ్నేహాఃరు పేట్ భరిన్ ఖైన్ పాసల్తీ మిల్గిగయుతే భార టోక్రా టుక్డవ్నా భరీన్‍ పాడ్యు. 21 బాయ్‍కా, చొగ్రాకాహేతింమ్ ఖాదుతే అద్మి బరాభర్ పాచ్‍హజార్‍ మరద్మాన.