మత్త 25

ఆఖరీను న్యావ్‍

31 తెదె అద్మియేనొ ఛియ్యో ఇను మహిమాతీ ఇనాకెడే సమస్త దూతల్తి ఆయోతెదె యో ఇను మహిమాను రాజా సింహాసనం ఫర్‍ బేషిన్‍ ర్హాసె. 32 తెదె సమస్తంను దేహ్ఃను అద్మియే ఇనహాఃమె ఇక్కట్‍హుయిన్ వుబ్రిర్హాసే, మ్హేండా చరావ్వలు ఇను బోక్డియేమాతు మ్హేండాన అలాదు కరాతిమ్‍ యోబి ఇవ్నా అలాదు కర్సే. 33 ఇను ఖవ్వాత్‍ బ్హనె మ్హేండవ్నా నీతిమంతుల్‍ డవ్వాహాత్‍ బ్హనె బోక్డియేవ్నా అలాదవ్నా ఉభారిరాక్చె.

34 తెదె రాజో ఇను హఃవ్వాహాత్ను బాజుమా ఛాతె ఇవ్నా దేఖిన్‍ "మార భాన హాతెహూః ఆషీర్వాదించ బడ్యతెవాలా ఆవో; ములక్‍ ఫైయిదాహుయితే ధరీన్‍ తుమారటేకె తయార్‍హుయ్రూతె రాజ్యంనా" పొందులెవొ. 35 "మే భుక్కె థో, తుమె మనా ఖాణు దిదా, తరాహ్ః లాగ్యు, తుమే మనా పాని పిఢాయు, ఏకేలోస్‍ థో తెదె మనా ఖందె కర్యథా, 36 ఉగ్హాడొ థో మనా లుంగ్డా దిదా, రోగ్వాలొ హుయిన్‍ థో, మనా దేహఃన ఆయా; ఠాణమా థో తెదె మారకనా ఆయాకరి బోల్యొ."

37 ఇనటేకె నీతిమంతుల్‍ ప్రభూ, కెదె తునా భూక్క్ లగ్గను దేఖిన్‍ తునా ధాన్‍ కఢాయా? కెదె తరహ్ః లగ్గను దేఖిన్ తున పాని దిదా.

38 కెదె ఎకేలొ ర్హావను దేఖిన్‍ తున హాందె కరిలిదా? ఉగ్హాడొ హుయిన్‍ థొ తెదె తునా దేఖిన్‍ లుంగ్డా దిదా?

39 కెదె రోగ్వాలొ హుయిన్‍ ర్హావనుబి, ఠాణమా ర్హావనూబి హామె దేఖిన్‍ తారనక ఆయా థా? కరి ఇనేతి పుఛ్చావ్‍సు.

40 ఇనటేకె రాజొ, దీనుల్నితరా ఛాతె ఆమార భైయ్యేమా కినాబి ఏక్ జాన్న ఆ కర్యాతో మనా కరాంతరస్‍కరి తుమారేతి ఖఛ్చితనంతీ బోలుకరూస్‍కరి బోల్యొ.

41 తెదె యో డవ్వాహాత్ను బాజు ఛాతె ఇవ్నా దేఖిన్‍, షపించబడెతెవాల, మన బెందీన్‍ సైతాన్నా‍బి ఇనూ దూతల్నాబి సిద్ధంకరీన్‍ ఛాతె నిత్యా ఆగ్మా జవొ.

42 మన భుక్క్ లాగిథు తుమే మన ధాన్‍ కోఖడాయాని, తరాహ్ః లాగి థూ తుమే మనా పాని కోదిదాని.

43 ఎకేలోస్‍ థో, తుమే మనా కందె కోకర్యని; ఉగ్హాడొహుయీన్ థొ, తుమె మన లుంగ్డా కోదిదాని రోగ్‍వాలో హుయిన్‍ ఠాణమా థొ, తుమె మన దేఖన కోఆయాని కరి బోల్యొ.

44 అనటేకే ఇవ్నె ప్రభూ, హమె కెదేబి తూ భుక్కేతి ర్హావనుతోబి, తరహ్క్ తి ర్హావనుతోబి, అలాదు దేహ్క్ ర్హావనూతోబి, లుంగ్డాకొయినితిమ్‍ ర్హావనూతోబి, రోగ్‍హుయీన్‍ ర్హవ్వానుతోబి, ఠాణమా ర్హవ్వానూతోబి, దేఖిన్‍, కెదేబి తునా సేవ కర్యాకొయిన్నాతిమ్‍ హుయ్‍గాకరి ఇనా పుఛ్చాయా. 45 ఇనటేకె యో న్హాను హుయ్తె అవ్నమా ఏక్నాతోబి తుమె అంనితరా కర్యాకొయిని, అనటేకె మన కర్యొకొయినీకరీ తుమారేతి హాఃఛితి బోలుకరూస్‍కరి ఇవ్నేతి బోల్యొ. 46 అవ్నే నిత్యంషిక్చనాబి నీతిమంతుల్‍ నిత్యజీవంమా జాసె.