45 Ko ɗun waɗi si no windii: «Aaden arano on, ɗun ko Aadama, heɓi ngurndan, o wuuri.»*15.45 Fuɗ. 2.7 Kono Aadama sakkitoro on ko ruuhuyankeejo yeɗoowo ngurndan. 46 Hinaa arano on woni ruuhuyankeejo on, kono ko ɓanduyankeejo, ko ko hikkii ɗon kon woni ruuhuyankejun ɗun. 47 Neɗɗo arano on ko e leydi ndin suutaa, ko mo ka leydi, neɗɗo ɗimmo on kaɲun ko ka kammu iwri. 48 Ɓen ɓe ka leydi no wa’i wa mo ka leydi on, ɓen ɓe ka kammu kadi no wa’i wa on mo ka kammu. 49 Ko wano nanditirɗen e mo ka leydi on non, ko wano non kadi nanditiroyten e oo mo ka kammu.