7 Sabu ɗee feɲɲinanɗe mawɗe ɗe mi feɲɲinanaa, mi heɓuno ko tampinirimmi wa bullal ka ɓandu an fii wota mi manto, ɗun ko mo Ibuliisa imminnoo fii tampingol lan. 8 Laabiiji tati miɗo jeejude Joomiraaɗo on yo o woɗɗintinan ɗun, 9 o jaabii lan: «Moƴƴere an nden yonii ma, ko fii bawgal an ngal ko e nder lo’ere nden ɓangata.» Awa mi ɓeyday mantaade fii lo’ereeji an ɗin, fii no bawgal Almasiihu on wonira e hoore an. 10 Ko ɗun waɗi si miɗo weltii fii lo’ereeji ɗin e hoyreeji ɗin e sattendeeji ɗin e cukkanɗe ɗen e anndeeji ɗin fii Almasiihu on. Ko fii, nde mi laatii lo’uɗo, ko onsay mi woni dolnuɗo.