1 Ɓawto ɗun, mi nani hawa tiiɗuka immorde e jamaa ɗuuɗuɗo ka kammu, no wi’a:

«Mantoore wonanii Alla!

Kisiyee e mangu e bawgal ko Alla men on wonani!

2 Ɲaawooje makko ɗen ko goongaaje feewuɗe!

O ɲaawii cagaajo mawɗo on,

faljiniraynooɗo yimɓe aduna on jinaa mun on.

Alla kadi yottanike ƴiiƴan kurkaaɗi mun ɗan o hibbi ɗan.»

3 Ɓe wi’i kadi ɗimmun:

«Mantoore wonanii Alla!

Curki nden saare ƴaway haa poomaa!»