Apocalipse 3

Ɓatakuru Windanaandu Moftal wongal Sardiisa ngal

1 «Windan kadi malaa’ikaajo moftal wongal Sardiisa ngal, wi’aa:

‹E hino ko Jogiiɗo ruuhuuji Alla ɗin jeeɗiɗi e koode ɗen jeeɗiɗi wi’i moftal ngal kon:

‹Miɗo andi kuuɗe maa ɗen, miɗo andi kadi no wi’aa ko a wuuruɗo, kono ko a mayɗo. 2 Finu, tiiɗinaa ko heddii kon, ɗun ko ko faandii maayude kon, sabu mi yiiraali kuuɗe maa ɗen wa timmuɗe yeeso Alla an on.