Colossenses 1

12 e hoore hiɗon jarnira Baabaajo on weltaare, on Wawnuɗo on heɓugol geɓal ka ndondi ndi o marani gomɗinɓe ɓen ka laamateeri ndaygu, 13 on Jattinɗo en mbawdi niɓe ɗen,*1.13 «Mbawdi niɓe ɗen» ɗun ko doole bone on. o addii en ka laamateeri Ɓiɗɗo makko yiɗaaɗo on, 14 on mo heɓirɗen cottudi wonkii e yaafuyee junuubaaji.

Fii Ɓural Iisaa ngal

15 Ko on Ɓiɗɗo woni mbaadi Alla mo yi’otaako on, ko kanko woni afo e hoore kala ko tagaa. 16 Ko fii ko e makko kala huunde tagiraa ka kammu e ka hoore leydi, ko yi’otoo e ko yi’otaako, ɗun ko julle laamu e laamuuji e hooreyaagal e bawɗe, fow ko e makko tagiraa, e fii makko kadi tagiraa. 17 Ko kanko adii kala huunde, e kala huunde ko e makko woniri.