Fii Naatugol Iisaa Yerusalaam
12 Bimbi nden ɲande jamaa ɗuuɗuɗo ari fii juldeere nden, ɓe humpitii kadi wonde Iisaa aray Yerusalaam. 13 Onsay ɓe ƴetti baape tugi, ɓe yalti fii jaɓɓagol mo, ɓe woni e ewnagol, wi’a:
«*Hosannaa!
Yo barki wonan oo wonɗo arude
e innde Joomiraaɗo on,
ɗun ko oo lanɗo *Isra’iilayanke’en!»12.13 Zab. 118.25
14 Iisaa kadi tawi mbabun, o ƴawi e hoore makkun, o jooɗii wano windori non:
15 «Wota a hulu, yo jamaa *Siyuuna!
E hino lanɗo maa on ka arata,
himo jooɗii e hoore ɓikkun mbabba!»12.15 Zak. 9.9
16 Tawi taalibaaɓe makko ɓen faamaali fii ɗun fow taho, kono ɓay wonii Iisaa ƴentinaama ka mangural, onsay ɓe anditi wonde ɗii piiji no windinoo fii makko, awa ko ɗun tigi laatinanaa mo.
17 Tawi yimɓe wondunooɓe e Iisaa ɓen fewndo ko o noddata Laazaru ka qaburu, o immintina mo e hakkunde mayɓe ɓen, no seeditaade fii ko ɓe yi’i kon. 18 Ko sabu ɗun waɗi si jamaa on ari, jaɓɓii mo, ko fii hari ɓe nanii wonde o waɗii nden maande hawniinde. 19 Tawi *Fariisiyaaɓe ɓen no wi’indirde: «On yi’ii en alaa waawude hay huunde, ɓay fow jokkii mo!»
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)