João 20

Fii no Iisaa Feeɲirani Sahaabaaɓe ɓen

19 E alat kiikiiɗe, ɗun ko ɲalaande aranere e nder yontere nden, tawi taalibaaɓe ɓen sokii baafe ɗen ka ɓe woni ɗon sabu kulol ngol ɓe huli Yahuudiyankeeɓe ɓen ngol. Onsay Iisaa ari darii hakkunde maɓɓe, o wi’i ɓe: «Yo jam wonu e mon!» 20 Ɓay wonii o wi’ii ɗun, onsay o holli ɓe juuɗe makko ɗen e beccal makko ngal. Taalibaaɓe ɓen weltii fii ko ɓe yi’i Koohoojo on kon.

21 Iisaa wi’i ɓe kadi fahin: «Yo jam wonu e mon! Min kadi mi nulirii on wano Baabaajo on nulirimmi non!» 22 Ɓawto ɗin konguɗi, o wutti e hoore maɓɓe, o wi’i ɓe: «Jaɓee *Ruuhu Seniiɗo on. 23 Ɓe yaafaniɗon junuubaaji mun woo, ɗi yaafante ɓe. Ɓe on yaafanaaki junuubaaji mun woo, haray ɗi yaafaaka.»