Lucas 15

3 Onsay kanko Iisaa o waɗani ɓen ngal misal ɗoo, o wi’i: 4 «Ko hombo e mon si no mari baali teemedere, gootii e ɗin majja, ronkata accude cappanɗe jeenay e jeenayji ɗin ka wulaa, yaha ɗaɓɓitoya majjungii ngin haa nde o yiitoyi ngii woo? 5 Nde o yiitoyi ngii, o wakkoo ngii e hoore weltaare. 6 Nde o hewtiti ka makko, o nodditay yiɓɓe makko ɓen e kawtalɓe makko ɓen, o wi’a ɓe: ‹Weltodee e an, ko fii mi yiitii baalii an majjunoongii ngin!› 7 Mi andinii on, ko wano non kadi weltaare ɓurirta woodude ka kammu sabu junuubankeejo gooto tuubuɗo, edii feewuɓe cappanɗe njeenayo e njeenayo ɓe tuubuubuyee fawaaki ɗun.»