Fii no Iisaa Wuntiniri Bunɗo Yeerikoo
35 Ko Iisaa ɓadii Yeerikoo, tawi bunɗo no jooɗii ka sera laawol no toroo. 36 On nani hito jamaa on ko feƴƴata kon, o landii ko honɗun waɗi. 37 O andinaa wonde ko Iisaa oo jeyaaɗo Naasirata woni feƴƴude. 38 Onsay o ewnii, o wi’i: «Ko an yo Iisaa, ɓii Daawuuda, yurminan!»
39 Hikkinooɓe yeeso ɓen feli mo fii yo o fanku, kono o ɓurti ewnaade, wi’a: «Ko an yo ɓii Daawuuda, yurminan!»
40 Onsay Iisaa dartii, o yamiri yo ɓe addan mo mo. Ɓay on ɓadike, Iisaa landii mo: 41 «Ko honɗun faalaɗaa yo mi waɗane?»
On jaabii mo, wi’i: «Koohoojo, ko yo mi hettu giiɗe an ɗen!»
42 Onsay Iisaa jaabii mo, wi’i: «Wuntu, gomɗinal maa ngal hisinii ma.» 43 O wunti ɗon kisan, o jokki Iisaa, himo mawnina Alla. Ɓay jamaa on yi’ii ɗun, ɓe woni e mantugol Alla.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)