38 Onsay gorko goo ewnii ka hakkunde jamaa ton, o wi’i: «Karamoko’en, mi torike on tenƴinee oo ɓiɗɗo an, ko fii ko bajjo an on nii. 39 Nde jinnawii ngin nangi mo woo, o sonkay, o iiroo, o yaltina ngurda. Ngii letta mo, awa kadi ko karahan ngii yaltirta e makko. 40 Mi torike taalibaaɓe mon ɓen raɗagol ngii jinnawii, kono ɓe waawaali.»
41 Iisaa jaabii, wi’i: «Onon ko on jamaanu ɓoyliingu ngu gomɗinaa. Ko haa honde tuma mi wondata e mon, miɗo muɲɲanoo on? Awa addu ɗoo ɓiɗɗo maa on.»
42 Wa ko o ɓannata paykun kun, jinnawii ngin liɓi kun ka leydi, kun iirii. Kono Iisaa toŋani ngii. Onsay o sellini paykun kun, o jonniti kun ben makkun. 43 Fow ŋalɗi fii mangural Allaahu on.
Fii no Iisaa Hiitori fii Mayde mun nden
Wa fewndo ko fow ŋalɗidi e ko o waɗaynoo kon kanko Iisaa, onsay o wi’i taalibaaɓe ɓen:
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)