Marcos 3

Fii no Iisaa Selliniri Maaya-Jungoojo

1 Iisaa naatiti kadi ka juulirde. Tawi maaya-jungoojo no nder ton. 2 Nde tawnoo *Fariisiyaaɓe ɓen no faalaa tooɲude Iisaa, ɓe ayni mo, hiɓe ndaara si o ɲawnday mo e *ɲalaande fowteteende nden. 3 Iisaa wi’i on maaya-jungoojo: «Immo daroɗaa ka hakkunde ɗoo.»

4 Ontuma Iisaa landii ɓen: «E hara no dagii ka goɗɗo waɗa ko moƴƴi maa ko boni, danda wonkii maa wona sabu makki e *aseweere?» Kono ɓe deƴƴi.

5 Onsay Iisaa ndaari ɓe e hoore himo tikki, aani fii sattere ɓerɗe maɓɓe ɗen. O wi’i on neɗɗo: «Fontu jungo maa ngon.» On fonti ngo, jungo makko ngon selli.