पौलदी करिंथ मंदीक पहिला पत्र 6

केस बद्दल उपाय

1 मीपैकी येवाडाना इल्ला उंडाड, येवाड मना मित्र संगा जगडाम आयते तर द्यावार पवित्र मंदी देगार फोयेद इडशी अनीतिमान मंदी न्यायालय लोंग फोयेद हिम्मत शेस्ताड? 2 पवित्र मंदी दुन्यामदी न्याय शेश्यार इदी मीक येरका लेद येम? इंगा जर मीक दुन्यामदी न्याय शेशेद उंडाद, तर मीर येम शिन्ना-शिन्ना जगडालदी न्याय शेयदेंक पण योग्य लेर येम? 3 मनाम द्यावार देवदुतलाद न्याय शेश्याम, इदी मीक येरका लेद येम? दिन कसोम इ जीवनलोन शिन्नाय जगडाल इडपीदेंक मीर नक्की दम फट्टाबेक? 4 जर मिक संसारीक माटलाद न्याय शेशेद उंटे, तर येम वारने कुसना मत्यार येवार मंडळीला येमीच लेर? 5 मीक शिग्गु कावाला आंकेन नीन इल्ला आंटान, येम खरेमे मी दिंटल्या वगाड पण बुद्धिमान शिक्काड येम येवाड मना तम्मुळलाद न्याय निवाडा शेशी?