तीमथ्याला पहिले पत्र 3

अध्यक्ष द पात्रता

1 इदी वचन विश्वास योग्य उंडाद जर यवाराना अध्यक्ष आंदार इचांग काळजी तीस्कोनेटोर आयेळदी इच्छा फेटताळ तर वाळ शिंगार फनीद इच्छा फेटताळ. 2 तर अध्यक्ष इड एमी गुन्हा शेयालेळ, वगा वळती मोगुळ, शांत, मर्यादाला, आदर इचावाड, पाहूनचार शेशेतोळ, शिकामतुदेंक निपुण उंडाला. 3 वाळ सराय तागेतोळ किंवा मतेतोळ (किंवा घाणरडेळ फायदाद आवड फेतेतोळ) बेकाल्या तर वाळ सौम्य, जगडाम न आळेटोर, दुडलाद लालच न फेटारोद बेक. 4 मना स्वता इल्लु मिंदा शिंगार प्रकारदी अधिकार नळपिचेटोर, पूर्ण गंभीर पणता स्वता बीळलाक हर माटा एकशेटोळ इल्ला वाळ उंडाला. 5 जर ओकोनकी स्वता परिवार दी देखभाल शेशेदेंक दा कुंटे तर वाळ परमेश्वर मंडळीद काळजी यला तीस्कोनी? 6 वाळ इ फनीला कोता नेड शावाड बेका लेद आंटे वाळ गर्वला फुगाशी शैतान दंडला फडा काला. 7 वांदी मंडळी बेटीटोळ मंदीला शिंगार फेर उंडाला. दिनकस्रोम की वान मिंदा टीका का रोद इंगा वाळ शैतान जाळीला फडाकाला.