लूकदी शुभवर्तमान 18

येशुंदी वगा गुडेनकी दृष्टीदान

35 येशुड यरीहोदेगारा वस्तूड्या आप्पुड वगा गुडेळ दावामिंदा कुशनीगेस भिक आडगतुन्ड्या. 36 यप्पुड आ आंधळा मन्शी देग्गारनुट फोय्येतोर मन्शिल्द आवाज इन्या आप्पुड वाड आडग्या, इदी येमटीद गडबड न्यडशीनाद. 37 मन्शील वान्क शेप्पीर, "नासरेथकर येशुड देग्गारनुट फोतूनाड." 38 वाड किरलीगेश आन्या, "अरे येशू, दाविदान्द कोडकु नामिंदा दया शेय." 39 यवार मुंदारा न्यडसतूंडीर वार वान्क चूप कुसुदेंक शेप्पीर. पण वाड इंका बेग्याता कीर्लीगेश आन्या, "दाविद कोडकु नामिंदा दया शेय!" 40 येशुड थांबाशा इंका वाड गुड्डेन स्वतःदेगारा एकोचेद आज्ञा इच्च्या, वाड गुडन देग्गार वचीनेका येशुड वान्क आडग्या, 41 "नीन नीइच्चाका येम शय्याबेक आनकेन नीद इच्छा उंडाद?" वाड आन्या, "प्रभू नाक इंका दृष्टी दाबेक." 42 येशुड वान आन्या, "निक दृष्टी दाला, नी विश्वास निक बागा शेशिंद उंडाद." 43 ताबडतोब वान्क कमशेक आंट्या इंका वाड द्यावारदीगौरव शेस्केन येशुंदी यंकाक फोय्या आंता मंदी इदी सुशीर इंका द्यावार्दी स्तुती शेशीर.