लूकदी शुभवर्तमान 22

पेत्रड येशून नाकारस्ताड

54 वार वान्क अटक शेशीर व वार वान्क महायाजकान्द इलूक येतकेन फोइर. पेत्र दुरामनूट वानयक्का नेडशा. 55 वार अंगणाला मध्यभागांला दिग्ळ आनशा इंका वान्द भोवती कुसणीर व पेत्रबी वार ता कुसन्या. 56 आप्पुड वगा यवारक दासीने आन्द वांकी दिग्ळद उजेडाला कूसणीन्द सुशा. आदी वानदग्गारा निरखून सुशा इंका आदी आन्या, "इदी मनशी वानसंगा उंडया." 57 पेत्र आदी नाकरास्केन आन्या, "बाई नीन वान्क गुर्तु फेट्या लेद." 58 थोडा येळगोन दुसऱ्या मनशी वान्क सुशा इंका आन्या, "नू सूदधा वानपैकी वगाट उंडाव!" इगा पेत्र आन्या, "गृहस्था, नीन लेद!" 59 इंका सुमारे वगा तास आइनक्का इंगा वगाजण ठामगोन आन्या, "खात्रीगोन इ मणशी बी वानसंगा उंडया, अनकेन उड गालील प्रांतान्द उंडाड." 60 गान पेत्र आन्या, "मंची मनशी नू येम माटलाडस्ताव इदी नाक तेलच्या लेद!" वाड माटलाडस्तुनडया आप्पुड आ क्षणी फुंजू आरशा. 61 इंका प्रभूड वळाशी पेत्रादग्गारा सुशा आप्पुड पेत्रान्क प्रभूडशापिनी माटल गुरतु वच्च्या, "इबद फुन्जू आरशा आप्पुड मूडदमूल नाक नाकराशाव," इल्ला शपीन्द वांकी द्यान्नाम वचा. 62 इंगा वाड बैयटया फई फेदाद दु:खागोन यड्शा.