33 इन्का आप्पुड वाड गुन्हेगारासंगा "कवटी" आनिद ठिकान्या मिन्दा वच्चीर, आंदु वार वान्क हा अपराध्यांन्क, वगान्क वान उजवीतीकड व वगान्क डावितिकड इल्ला वधस्तंभामिन्दा खिळाशीर. 34 आंटेका, येशुड आन्या, "हे अब्बा, वारनी क्षमा शेय इन्का वार येम शेस्तार इदी वारीक तेलवाद." वार चिठ्ठ्याल येशीर वान्द बट्टाल फन्ची तीस्कुनीर*23:34 1 पेत्र 3:9; प्रकटीकरण 7:60; यशया 53:12; स्तोत्र 22:18. 35 मंदी आंदु सुस्केन नीलाफडीडीर इन्का पुढाऱ्याल थट्टा शेसकेन आनीर, वाड इन्गोर्ण वाचायमत्या, तर वाड ख्रिसतोड, द्यावरद निवडाशिंन्द उंडया तर वाड स्वतान्क वाचायमती!*23:35 स्तोत्र 22:7 36 शिपायोड वान थट्टा शेशा. वाड वान्तिक वच्चा वाड वानिक फुलाका इच्या.*23:36 स्तोत्र 69:21 37 इंका वाड आनीर, "जर नु यहुदियांद राजा उंन्डाव तर स्वताण वाचवाय!"

38 वान मिन्दा इळा राशींद उंड्या "इदी यहुदिया मंदिद राजा उंडाड."

39 आंदू खिळाशिंद वगा गुन्हेगारुड वान्द निन्दा शेशीर. वाड आन्या, नु ख्रीस्ताड लेद येम? स्वतः क व माम्लान भी वाचवाय! 40 पण दुसराड गुन्हेगारड वानिक दटावाशा इंका आन्या, "नीक द्यावारक आद्र लेद येम? निक बी आदी शिक्षा आइन्डाद. 41 पण मनाद शिक्षा योग्य उंडाद कारण मनाम जे शेस्तिम दान्द योग्य फळ मनाक शिक्कताद. पण इदी मन्शी यमबी अयोग्य शेशा लेद." 42 आंटे का वाड आन्या, "येशुड, नू मनाद राज्याद वच्चाव आप्पुड नाद आठवण शय." 43 येशुड वानिक आन्या, "नीन निक खरेम शपतान, इबद नू ना संगा सुखमंदीला उंडाद."*23:43 सुखमंदीला इंद स्वर्ग आ जागाद उन्डाद यंद छूटकारा कसरोम सचिन बाद इंगा परमेश्वर राज्य वचे पहिला उन्डाद यालाकी स्वर्ग परमेश्वर निल्चेद जागा उन्डाद