लूकदी शुभवर्तमान 9

शिष्यल आयेटोर्दी कसोटी

57 आन वार दावागोन नेडशेतापुड यवाड वागाड वारीक आन्या, "यंद यकाडा नु फोयाव आंद नीन नीयेंनका वंचान." 58 आप्पुड येशुड वारीक आन्या, "खोकडास बोक्का आन आकाश लोंद पक्षालक् ईल्ल ऊंडाद, परंतु मनशी कोडकुक मना नैत्ती फटदेन्क ठिकाण लेद." 59 आन्ट्यागा वाड दुसरा वगानक आन्या, "ना येंनका दा," परंतु वाड आन्या, "हे प्रभु, पहील्यांदा नाक व्हई ना आब्बांनक बुडशी दानी," 60 आप्पुड येशुड वानिक आन्या, "सच्चीनोरक मना सच्चैदांटल्या बुडशी फोनी, परंतु नु व्हई द्यावार राज्याविषयी घोषणा शेई." 61 आप्पुड इंगा वगाड आन्या, हे प्रभू, नीन नी येनका वंचान, परंतु पहिला नाक व्हई ना ईंटल्या यवार ऊंडार वारद् निरोप तुस्कुणान.*9:61 1 राजा 19:20 62 पण येशुड वानिक आन्या, "यवारपण नांगरक् मना शैई येशिन्यंका यंनकाड गोष्टीलतीक सूस्केन कुसुंटाड ईळा यवाडच् द्यावारद राज्यक उपयोगी लेड."