ಬಾವಣ್ ಅಜು಼ ಬಾವ್ರಿ
1 ಇಮ್ನಿಸ್ ಪರಕ್ಮ ಬಾವ್ಣೆವೊ, ತುಮಾರ ಬಾವ್ರಿನಿ ದಾಬುಕ್ಮ ರ್ಹವೊ. ಇವ್ಣಾಮ ಥೋಡುಜ಼ಣು ದೇವ್ನಿ ವಚನ್ನ ಅವಿಧೇಯ ಹುಯಿರೂತೋಬಿ, ತುಮಾರ ಅಛ಼್ಛ ಕಾಮ್ನ ದೇಖಾಥೀಸ್ ಇವ್ಣೆ ವಿಶ್ವಾಸ್ಮ ಆವಾನಿತರ ಉಶೆ. ಇನಾಖ್ಹಾಜೆ ತುಮೆ ಏಕ್ ವಾತ್ಬಿ ಬೋಲ್ನುನಾತೆ ರ್ಹವಾನು ಜ಼ರೂರತ್ ಛಾ಼. 2 ಶನಕತೊ ಇವ್ಣೆ ತುಮಾರಿ ಪರಿಶುದ್ ಅಜು಼ ಇಜ಼್ಜತ್ನಿ ಚಾ಼ಲ್ಥೀಸ್ ಅಛ್ಛಿವಾಟ್ಪರ್ ಆವ್ಶೆ. 3 ಚೋ಼ಟಿ ಗೂಥಿಲ್ಯಾವಾನೂಬಿ ಖ್ಹೊನ್ನುಖ್ಹರಪ್ಬಿ ಅಜು಼ ಅಛ಼್ಛು ಲುಂಗ್ಡು ಫೇರಾನುಬಿ ಆ ಅಖ್ಖು ಭಾರ್ಲ್ಯು ಶನ್ಗಾರ್ಸ್ ಯೋ ತುಮಾರು ಪೇರ್ವಾಖ್ಹ್ ನಾ ಹುಯಿರ್ಹೇಣು ಎತ್ರೇಸ್. 4 ಕತೋಬಿ ಅನಬದಲ್ ದೇವ್ನ ಡೋಳಾಮ ಘಣ ಮೋಲ್ನುಬಿ ಅಜು಼ ಕದೇಬಿ ರ್ಹವಾನುಬಿ ಹುಯಿರ್ಹುತೆ ಶೇದೇವ್ಬಿ ಶಾಂತಿನೊ ಮನ್ ತುಮಾರ ಮಹಿನ ದಿಲ್ನು ಶನ್ಗಾರ್ ಹುಯಿರ್ಹವಾದೆ. 5 ಫಾಚ಼್ಲ್ಯಾ ಹಗಾಮ್ಮ ದೇವ್ಪರ್ ಭರೋಖ್ಹೊ ರಾಖಿಮ್ಹೆಲ್ಯುಥುತೆ ಭಕ್ತೆ ಹುಯಿರ್ಹಿಥಿತೆ ತಯೇಡಖ್ಹಾರು ಜಿನು ಅಮ್ಮಸ್ ಇವ್ಣು ಇವ್ಣೇಸ್ ಬಾವ್ರಿಯೇವ್ನಿ ದಾಬುಕ್ಮ ರ್ಹೀನ್ ಶನ್ಗಾರ್ ಕರಿಲಿದಿಯೆಥಿ. 6 ಸಾರ ಅಬ್ರಹಾಮ್ನ ವಿಧೇಯ ಹುಯಿರ್ಹಿನ್ ಇನ ಯಜಮಾನ್ಕರಿ ಬೋಲಿ. ತುಮೆ ಅಛ್ಛು಼ಕರಾವಾಳಿ ಹುಯಿರ್ಹಿನ್ ಶನಿ ಡರ್ ಝ಼ಪಕ್ಣಿಮ ನಾಪಡವಳಿ ರ್ಹೀಯೆತೊ ತುಮೆ ಸಾರನಿ ಛೋ಼ರಿಯೇ ಹುಯಿರ್ಹಿಶು,
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)