2 Coríntios 9

6 ಕಮ್ ಬಿತ್ನೆ ಕರಾವಾಳು ಕಮ್ಮಸ್ ವ್ಹಾಡ್‍ಶೆ. ಜಾ಼ಖ್ಹತ್ ಬಿತ್ನೆಕರಾವಾಳು ಜಾ಼ಖ್ಹತ್ ವ್ಹಾಡ್‍ಶೆ ಕರಿ ಬೋಲಾನಿ ವಾತೆ ಖ್ಹಯಾಲ್ಮ ರಾಖೊ.✝9:6 ಜ್ಞಾನೋಕ್ತಿ 11:24—22:9 7 ಹರೇಕ್ ಜ಼ಣೋಬಿ ಇವ್ಣ ದಿಲ್ಮ ನಿರ್ಧಾರ್‌ಕರಾತೆ ಪರಕ್ಮ ದ್ಯವಾದೆ. ಕೋಣ್‌ಬಿ ದುಖ್‌ಥಿ ರ‍್ಹವೊ, ಜು಼ಲಮ್‌ಥಿ ರ‍್ಹವೊ ನಾದೇವ್ಣು ಎಥ್ರಾನವಾಳನ ದೇವ್ ಪ್ಯಾರ್‌ಕರಸ್.✝9:7 ಧರ್ಮೊ 18:10—22:9 8 ದೇವ್ ಹರೇಕ್ ಥರಾನು ವಾರ್‌ಖ್ಹೊ ತುಮುನ ಚೆಹಳ್‌ಥಿ ದ್ಯಾವಾನ ಶಕತ್‌ವಾಳೊ ಹುಯಿರ‍್ಹೋತೆ ಇನಾಖ್ಹಾಜೆ ತುಮೆ ಕದೇಬಿ ಖ್ಹಾರೀಸ್‍ವಾತೆಮ ಭರ್‌ಪೂರ್‌ರ‍್ಹಿಶು. ಬಿಜು಼ ಹರೇಕ್ ಥರಾನು ಅಛ್ಛಾ಼ ಕಾಮ್‍ನ ಹೋಣುತೆತ್ರು ಕರಾವಾಳ ಹುಯಿರ‍್ಹೇಣು. 9 ಪವಿತ್ರ ದಪ್ತರ್‌ಮ ಬೋಲೈರ‍್ಹುತೆ ಪರಕ್ಮ "ಯೋ ಗರೀಬ್ ಖ್ಹಾರಾನ ಚೆಹೆಳ್‌ಥಿ ದಿಶೆ; ಇನಿ ನೀತಿ ಕದೇಬಿ ರ‍್ಹಿಶೆ."✝9:9 ಕೀರ್ತನೆ 112:9 10 ಬಿತ್ನೆ ಕರಾವಾಳನ ದಾಣನಾಬಿ ಖಾವಾಳನ ಖಾಣು. ದ್ಯಾವಾಳೊ ದೇವ್ ತುಮುನಾಬಿ ಬಿತ್‌ಕರವಾಳನ ದಾಣೊದೀನ್ ಘಣುಕರೀನ್ ತುಮಾರು ನೀತಿನ ಫಲ್ನ ಘಣು ಕರ್ಶೆ.✝9:10 ಯೆಶಾಯ 55:10; ಹೋಶೇಯ 10:12 11 ಅಮ್‍ ತುಮೆ ಅಖ್ಖಕಾಮ್ಮಬಿ ಶೌಕಾರಿ ರ‍್ಹೀನ್ ದಿಲ್‍ಛೋ಼ಡಿ ದ್ಯಾವಾನ ಶಕತ್‌ವಾಳ ಹುಯಿರ‍್ಹಿಶು. ತುಮಾರಿ ದಾನಅಖ್ಖು ಹಮಾರ ಹಾತೇಥಿ ಬಿಜೇಕ್‍ಜ಼ಣಾನ ಮಳ್ಯುತೊ ಯೊ ದೇವ್ನ ಧನ್ಯವಾದ್ನಿ ಸ್ತುತಿಹುವಸ್. 12 ಆ ತುಮಾರಿ ಚಾ಼ಕ್ರಿ ಖಲಿ ದೇವ್ನ ಅದ್ಮಿಖ್ಹಾರಾನಿ ಖ್ಹತಾಪ್ಣಿ ಕಾಡ್‍ಶೆಕೊಂತೆ, ಕೈಏಕ್ ಜ಼ಣಾಮ ದೇವ್ನ ಧನ್ಯವಾದ್‍ನಿ ಖ್ಹಲಾಮ್ ಕರಾನೊ ದಿಲ್‌ ಆವ್‌ಶೆ.