2 ಪೇತ್ರ 3

8 ಪ್ಯಾರ್‌ನ ದೋಸ್ತಿವೊ ಪ್ರಭುನ ಗಣ್ತಿಮ ಏಕ್‌ ದನ್ ಹಜಾ಼ರ್‌ ವರಖ್ಹ್‌ನಿ ಘೋಣಿಬಿ ಅಜು಼ ಹಜಾ಼ರ್‌ ವರಖ್ಹ್‌ ಏಕ್‌ ದನ್ನಿ ಘೋಣಿಬಿ ಖಾಲಿ ಛಾ಼ ಕರಿ ಬೋಲಾನು ಭೈಕೊನಕೊ. 9 ಪ್ರಭು ಇನಿ ವಾಗ್ದಾನ್ನ ಪೂರ ಕರಾನಖ್ಹಾಜೆ ದೇರ್‌ಕರ್‌ಶೆ ಕರಿ ಬೋಲಾನು ಥೋಡುಜ಼ಣು ಖ್ಹಮ್‍ಜಿರಾಖ್ಯುಸ್ನಿ. ಇಮ್ನಿ ಪರಕ್ಮ ಯೋ ದೇರ್‌ಕರವಾಳೊ ಕಾಹೆ. ಅನಬದಲ್ ತುಮಾರಿ ಜೋ಼ಡ್ಮ ಘಣೇಥಿ ಖ್ಹಮಾಳಿರಾಖ್ಯೊಸ್. ತುಮಾರಮ ಏಕ್‍ಜ಼ಣೂಬಿ ನಾಶ್ ನಾಹೊಣುತೆ ಅಖ್ಖುಜ಼ಣು ಪಾಪ್ನ ಮ್ಹೆಂದಿನ್ ಪಾಛು಼ ಫರಿಜಾ಼ವ್ಣುಕರಿ ಯೋ ಆಖ್ಹ್‌ಕರಸ್. 10 ಪ್ರಭುನೊ ದನ್ ಚೋ಼ರ್ ಆವಾನಿತರ ಆವ್‌ಶೆ. ಯೋ ದನ್ಮ ಆಬ್‍ಅಖ್ಖು ಘಲಾರಕೊಂತೆ ಹುಯಿಜಾ಼ಶೆ ಚಾ಼ಂದ್, ಚ಼ಂದರ್‌ಮೊ, ತಾರೊ, ಗ್ರಹಖ್ಹಾರು ಬಳಿನ್ ನೂಚೈಜಾ಼ಶೆ. ಜ಼ಮೀನ್ ಇನಾಮ ಛಾ಼ತೆಖ್ಹಾರುಸ್‍ಬಿ ಭುಂಜ಼ಯಿನ್ ರಾಕ್ ಹುಯಿಜಾ಼ಶೆ.