41 ಇನೆ ಬೋಲ್ಯೊತೆ ಖ್ಹಮ್ಜಿನ್ ಬ್ಯಾಪ್ತಿಸ್ಮ ಲೀಲಿದು. ಯೊ ದನ್ ಕಮ್ಶಿಕಮ್ ತೀನ್ ಹಜಾ಼ರ್ ಅದ್ಮಿಖ್ಹಾರು ವಿಶ್ವಾಸಿನ ಟೋಳ್ಮ ಮಳೀಗು.
ವಿಶ್ವಾಸಿನ ಇಚ಼್ಮ ಜಿವ್ಣು
42 ಯೊ ಅದ್ಮಿಖ್ಹಾರು ಅಪೊಸ್ತಲರ್ನಿ ಉಪದೇಶ್ನ ಖ್ಹಮ್ಜಾ಼ಮಾಬಿ, ಭೈಯೇ಼ಮ ಮಳಿನ್ ರ್ಹವಾಮಾಬಿ, ಖಾಣು ಖಾವಮಾಬಿ, ಪ್ರಾರ್ಥನೆ ಕರಾಮಾಬಿ ಜೋ಼ಡ್ಮ ಅವ್ಣೆ ಮಳಿನ್ ಕರ್ತುಥು. 43 ಅಪೊಸ್ತಲರ್ ಅಖ್ಖು ಕೈಏಕ್ ಶಕತ್ನುಬಿ ಅಜು಼ ಅದ್ಭುತ್ಕಾಮ್ನ ಕರ್ತುಥು. ಅಜು಼ ಹರೇಕ್ ಜ಼ಣಾನಾಬಿ ದೇವ್ನಿ ಡರ್ ಭಕ್ತಿ ಆಯು. 44 ವಿಶ್ವಾಸ್ ಕರವಾಳು ಖ್ಹಾರು ಒಗ್ಗಟ್ಹುಯಿನ್ ಜಿವ್ಣು ಕರ್ತುಥು. ಇವ್ಣಾಮಥೂತೆ ಹರೇಕ್ ಚೀಜ಼್ನಾಬಿ ವಾಟಪಾಡಿಲ್ಯಾವಳು ಹುಯಿರುಥು. 45 ಇವ್ಣಿ ಜ಼ಮೀನ್ನ ಅಜು಼ ಇವ್ಣಕನ ಥೂತೆ ಶೊತ್ನ ವೇಚಿನ್ ಮಳಾತೆ ಪೈಶಾನ ಜ಼ರೂರತ್ ರ್ಹವಳಾನ ವಾಟಪಾಡಿ ದೇತೂಥು. 46 ಇವ್ಣೆ ಹರೇಕ್ ದನ್ ಏಕ್ದಿಲ್ಥಿ ದೇವ್ನಿ ಮಂದಿರ್ಮ ಮಳಿನ್ ಆವ್ತುಹುಯಿನ್, ಇವ್ಣೆ ಇವ್ಣ ಘರ್ಮ ರೋಟೊ ತೋಡಿನ್ ಒಟ್ಥಿ ಖಾಣು ಖಾತೂಥು. ಇವ್ಣೊ ದಿಲ್ ಖುಷಿಥಿ ಭರೈರ್ಹೆತೂಥು. 47 ಇವ್ಣೆ ದೇವ್ನ ಖ್ಹರವ್ಕರ್ತೂಥು. ಅಜು಼ ಅದ್ಮಿಖ್ಹಾರಾನು ದಯಾನ ಲಿಲ್ಯಾವವಾಳ ಹುಯಿರ್ಹಾಥ. ಹರೇಕ್ ದನ್ಬಿ ಘಣು ಘಣು ಅದ್ಮಿಖ್ಹಾರು ರಕ್ಷಣೆ ಲೇವ್ಕರ್ತೂಥು. ಪ್ರಭುನೆ ಇವ್ಣುನ ಅಖ್ಖಾನ ವಿಶ್ವಾಸಿನಿ ಸಭೆಮ ಮಳವ಼್ ಕರ್ತೊಥೊ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)