Hebreus 12

ದೇವ್ ಅಪ್ಣೊ ಬಾ

1 ಆ ಕಾರಣ್‍ಥಿ ಅತ್ರು ಸಾಕ್ಷಿಯೆವ್ನು ಮೋಟು ಝೂ಼ಂಡ್‌ ವಾದ್‌ಳಾನಿ ಘೋಣಿ ಅಪ್ಣ ಅಶ್‌ಪಿಶ್ ಕೋಂಡಿರಾಖಪರ್ ಅಪ್ಣುನ ಅಟ್‌ಖಟ್ ಕರಾಸ್ತೆ ಅಖ್ಖಾಸ್ ಭೋಜ಼್‌ನಾಬಿ, ಶುಲ್ಬಾಥಿ ವಿಲ್‌ಟೈಜಾ಼ವಾನು ಪಾಪ್ ಜಿನು ಕಾಡಿನಾಖಿ, ವಿಶ್ವಾಸ್ ಪೈದಕರಾವಳೊಬಿ, ಇನ ಪೂರ ಕರಾವಳೊಬಿ ಹುಯಿರ‍್ಹೋತೆ ಯೇಸುಪರ್ ನಜ಼ರ್ ರಾಖಿನ್ ಅಪ್ಣುನ ನೇಮಕ್ ಹುಯಿರ‍್ಹುತೆ ದವಡ್ನ ಖ್ಹಮಾಳಿ ಮಿಲೈಯೇ಼. 2 ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್. 3 ತುಮೆ ದಿಲ್‌ಹೇಟು ನಾ ಕರಾವಾಳ ಹುಯಿನ್ ಬೇಜಾರ್ ನಾಖಾವ್ಣುತೆ ಯೇಸುನಿ ಬಾರೇಮ ಸೋಚಿದೇಖೊ. ಯೊ ಪಾಪಿಯೇವ್ ಖ್ಹಾರಾಥಿ ಕೆತ್ರೇಕ್ಕಿ ವಿರೋದ್ನ ಖ್ಹಮಾಳಿಲಿದೊ.