5 ಲಡ್ಕಾವ್ನ ಬೋಲಾನಿತರ ತುಮುನ ಬೋಲಿನ್ ಹುಮ್ಮಖ್ಹ್ನಿ ವಾತೆವ್ನ ಭೈಕಿಗಯಕಿಶು? ಯೊ ಶಾತ್ಕತೊ ಮಾರ ಛಿಯ್ಯಾ ಪ್ರಭುನಿ ನಿಶತ್ ಝಿಟ್ಕಾರ್ ನಕೊ. ಯೊ ತುನ ಗುರ್ಕಾವನಿ ವಖ್ಹ್ತೆ ಬೇಜಾರ್ ನಕೊಕರ್. 6 ಶನಕತೊ ಪ್ರಭು ಕಿನಕಿನ ಪ್ಯಾರ್ ಕರಾಸ್ಕಿ ಇವ್ಣುನ ನಿಶತ್ ದೇಸ್. ಇನೊ ಛಿಯ್ಯಾನಿಘೋಣಿ ಸ್ವೀಕಾರ್ ಕರಸ್ತೆ ಹರೇಕ್ನಾಬಿ ದಾಬುಕ್ ದೇಸ್ಕರಿ ಛಾ಼.12:6 ಜ್ಞಾನೋಕ್ತಿ 3:11-12 7 ತುಮೆ ಅಛ್ಛಿನಿತರ ರ್ಹವಾನ ಖ್ಹಾಜೆಸ್ ನಿಶತ್ನ ಖ್ಹಮಾಳಿ ರ್ಹವೊ. ದೇವ್ ತುಮುನ ಲಡ್ಕಾಕರಿ ಚ಼ಲಾವಸ್. ಶನಕತೊ ಬಾಥಿ ಮಾರ್ ಕೊಖಾಯ್ನಿತೆ ಛಿಯ್ಯೊ ಕಿಜ್ಜಾ಼ ಛಾ಼? 8 ಅಖ್ಖಾಸ್ಜ಼ಣನ ಹೋಣುತೆ ನಿಶತ್ಮ ಭಾಗ್ಲ್ಯವಾಳ ನಾಹುಯುತೊ ತುಮೆ ವ್ಯಬಿಚಾರ್ಥಿ ಪೈದಾಹುಯ ಪಣ್ಕಿ ಇನ ಲಡ್ಕಕಾಹೆ. 9 ಆಸ್ ಕಾಹೆತೆ ಅಪ್ಣುನ ದಾಬುಕ್ ದಿದಾತೆ ಲೋಕಾನ ಆಯಬಾನ ಅಪ್ಣೆ ಮರ್ಯಾದಿ ದಿಯೇಸ್ನಿ. ಇಮ್ಮಸ್ ಅಪ್ಣ ಆತ್ಮವ್ನ ಬಾ ಹುಯಿರ್ಹವಾಳನ ಅಪ್ಣೆ ಬಿಜೂ಼ಬಿ ಜಾ಼ಖ್ಹತ್ ಅಧೀನ್ಹುಯಿನ್ ಬಚಿನಾರ್ಹೇವ್ಣು ಕಿಶು? 10 ಅಪ್ಣ ಲೋಕಾನು ಬಾಯಿವ್ಣೆ ಇವ್ಣ ದಿಲ್ಮ ಬರಬರ್ ದೆಖಾವಸ್ತೆ ಇಮ್ ಥೋಡ ದನ್ ಅಪ್ಣುನ ದಾಬುಕ್ ದಿದು. ಕತೋಬಿ ದೇವ್ನೆ ಇನಿ ಪರಿಶುದ್ಮ ಅಪ್ಣೆ ಭಾಗ್ವಾಳ ಹುಯಿರ್ಹೇವ್ಣುಕರಿ ಅಪ್ಣ ಅಛ್ಛಾ಼ನ ಖ್ಹಾಜೆಸ್ ದಾಬುಕ್ ದೇಸ್. 11 ಖಿವು ನಿಶತ್ಬಿ ಯೊ ವಖ್ಹತ್ಮ ಖ್ಹುಶಿಥಿ ದೆಖಾವಕೊಂತೆ ದುಖ್ನಿಘೋಣಿಸ್ ದೆಖಾವಸ್. ಕತೋಬಿ ಅಛ್ಛಿನಿತರ ರ್ಹವಾನ ರುಡಿರಾಖವಳು, ಖ್ಹಾಮ್ಣೆ ಸಮಾಧಾನ್ ರ್ಹವಾನು ನ್ಯಾಯನು ಫಲ್ನ ಲೇಸ್.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)