6 ಕತೋಬಿ ಯೇಸು ಇನೇಥಿಬಿ ಮಹಾನ್ ಯೊ ಯಾಜಕವ್ನ ಕಾಮ್ಥೀಬಿ ಘಣು ಮಹಾನ್ ಯಾಜಕ್ನಿ ಸೇವೆ ಲೀರಾಖ್ಯೊಸ್. ಅಮ್ನಿ ಪರಕ್ಮ ಯೇಸು ಇನ ಆದ್ಮೆವ್ನಖ್ಹಾಜೆ ದೇವ್ಥಿ ಲಾಯೊತೆ ಒಪ್ಪಂದ ಜೂ಼ನೇಥೀಬಿ ಮಹಾನ್ ಹುಯಿರ್ಹುಸ್. ಶನಕತೊ ಯೊ ಅಛ್ಛಿ ವಾಗ್ದಾನ್ಥಿ ಅಜು಼ ಅಛ್ಛಿ ಒಪ್ಪಂದನ ಮಳಾವವಾಳೊ ಹುಯಿರೋಸ್. 7 ಯೋ ಪಹಿಲು ಒಪ್ಪಂದ ಶನೂಬಿ ಗಲ್ತಿ ನಾರ್ಹಯೂಹೊತ್ತೊ, ಬೇನು ಒಪ್ಪಂದನಿ ಜ಼ರೂರತ್ ಕೋಥಿನಿ. 8 ಕತೋಬಿ ದೇವ್ನೆ ಯೋ ಅದ್ಮಿವ್ಪರ್ ಗಲತ್ ಲಗಾಡಿನ್ ಗಲತ್ ದೆಖಾವದಿನ್ ಅಮ್ ಬೋಲ್ಯೊ, ‘ಹಂದೇಖೊ, ಮೇ ಇಸ್ರಾಯೇಲ್ ಖಾನ್ದಾನ್ಥಿಬಿ ಯೆಹೂದ ಖಾನ್ದಾನ್ಥಿಬಿ ನವೇಥಿ ಏಕ್ ಒಪ್ಪಂದ ಕರಾವನು ದನ್ಖ್ಹಾರು ಆವ್ಶೆ’ ಕರಿ ಪ್ರಭು ಬೋಲಸ್. 9 ಆ ಒಪ್ಪಂದ ಮೇ ಅವ್ಣ ಗುರುಗುರುಬ್ಲ್ಯನ ಹಾತ್ ಧರಿನ್ ಈಜಿಪ್ಟ್ ದೇಖ್ಹ್ಮಾಥೊ ಹಾತ್ಧರಿನ್ ಬುಲೈಲಿನ್ ಆಯೋತೆ ದನೂಮ ಇವ್ಣಿ ಜೋ಼ಡ್ಮ ಕರೀಲಿದೊತೆ ಒಪ್ಪಂದನಿತರ ಕಾಹೆ. ಶನಕತೊ ಇವ್ಣೆ ಮಾರಿ ಒಪ್ಪಂದಮ ಘಟ್ಥಿ ಭಿಯುಕೊಂತೆ ಇನಾಖ್ಹಾಜೆ ಮೇ ಇವ್ಣುನ ಫಿಕರ್ ಕೊಕರ್ಯೋನಿ’ ಕರಿ ಪ್ರಭು ಬೋಲಾಸ್. 10 ಯೋ ಅಖ್ಖದನ್ನ ವಾರ್ ಮೇ ಇಸ್ರಾಯೇಲ್ ಖೂಮ್ವಾಳನಿ ಜೋ಼ಡ್ಮ ಕರಿಲೀಶ್ತೆ ಒಪ್ಪಂದ ಅಮ್ರ್ಹಿಶೆ, ಮೇ ಮಾರ ಹುಕುಮ್ನ ಇವ್ಣ ದಿಮಾಕ್ಮ ಮ್ಹೇಲಿಶ್. ಮೆ ಇವ್ಣ ದಿಲ್ಮ ಇನ ಲೀಖಿಶ್. ಮೇ ಇವ್ಣುನ ದೇವ್ ಹುಯಿರ್ಹೀಶ್. ಇವ್ಣೆ ಮಾರು ಅದ್ಮಿ ಹುಯಿರ್ಹಿಶೆ. 11 ಆನಾಹುಯಿನ್ ಹರೇಕ್ಜ಼ಣು ಇನ ಭೀಡೆವಾಳನಬಿ ಇನ ಭೈನಾಬಿ, ‘ಪ್ರಭುನ ಮಾಲುಮ್ ಕರ್ಲೆವೊಕರಿ ಬೋಧನೆ ಕರ್ನುಕೊಯ್ನಿ. ಶನಕತೊ ಕೀಳ್ಥಿಬಿ ಧರೀನ್ ಊಚ಼ ಹುಯಿರ್ಹವಾಳು ಖ್ಹಾರೂಸ್ ಮನ ಮಾಲುಮ್ಕರ್ಲಿಶೆ. 12 8:12 ಯೆರೆಮೀಯ 31:34"ಮೇ ಇವ್ಣ ಖರಾಬ್ ಕಾಮ್ನ ಗೋರ್ಥಿ ಕ್ಷಮಾಪಣ್ ಕರೀಶ್. ಅಜು಼ ಇವ್ಣ ಪಾಪ್ನ ಕದೇಬಿ ಯಾದ್ಮ ಕೋಲೈಶ್ನಿ; ಕರಿ ಪ್ರಭು ಬೋಲಸ್". 13 ದೇವ್ ಅನ ನವು ಒಪ್ಪಂದ ಕರಿ ಬೋಲ್ಯೊ ಇನಾಖ್ಹಾಜೆ ಪಹಿಲಿ ಒಪ್ಪಂದನ ದೇವ್ನೆ ಜೂ಼ನುಕರಿ ಬಣಾಯೊ.ಅಜು಼ ಖಿವು ಜೂ಼ನುಥೂಕಿ ಯೋ ಮಟಿಜಾ಼ವನ ಖನ್ನೆ ಆವ್ಶೆ.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)