45 ಫಿಲಿಪ್ಪನೆ ನತಾನಿಯೇಲ್ಥಿ ಮಳಿನ್, ಇನ, "ಕಿನಿ ಬಾರೇಮ ಮೋಶೆನೆ ಧರ್ಮಶಾಸ್ತ್ರ ಲೀಖ್ಯೋಕಿ ಅಜು಼ ಪ್ರವಾದಿಖ್ಹಾರು ಲೀಖ್ಯೂಕಿ ಯೋ ಹಮೂನ ಮಳಿರ್ಹೋಸ್. ಯೋ ಕೋಣ್ಕತೊ ಇನು ನಾಮ್ ಯೇಸು ಯೋಸೇಫ್ನೊ ಛಿಯ್ಯೊ ಅಜು಼ ನಜ಼ರೇತ್ಮ ರ್ಹವಾಳೊ.
46 ತದೆ ನತಾನಿಯೇಲನೆ, ‘ನಜ಼ರೇತ್ಥು ಶಾತ್ತೋಬಿ ಅಛ಼್ಛು ಆವ್ಶೆಕಿ ಶು’? ಕರಿ ಫಿಲಿಪ್ಪನ ಪುಛಾ಼ಯೊ.
ಇನ ಫಿಲಿಪ್ಪನೆ, "ಐನ್, ದೇಕ್" ಕರಿ ಬೋಲ್ಯೊ.
47 ಯೇಸುನೆ ಇನಾಭಣಿ ವಳ್ಯಾವ್ಥೋತೆ ನತಾನಿಯೇಲ್ನ ದೇಖಿನ್, ಇನಿ ಬಾರೇಮ, "ಹಂದೇಖೊ, ಆ ಖ್ಹಾಚೊ಼ ಇಸ್ರಾಯೇಲ್ವಾಳೊ; ಅನಾಮ ಶನೀಶ್ ಗಲತ್ ಕೊಯ್ನಿ!" ಕರಿ ಬೋಲ್ಯೊ.
48 ಇನ ನತಾನಿಯೇಲನೆ ತೂ ಮನ ಕಿಮ್ ಮಾಲುಮ್ ಕರ್ಯೊ? ಕರಿ ಯೇಸುನ ಬೋಲಖ್ಹತರ್
ಇನೆ ಫಿಲಿಪ್ಪನೆ ತುನ ಬುಲಾವನ ಅಗಾಡಿಸ್ ತು ಯೋ ಅಂಜೀರ್ನ ಝಾ಼ಡ್ ಹೇಟ್ ಮೇ ದೇಖ್ಯೊ ಕರಿ ಬೋಲ್ಯೊ.
49 ತದೆ ನತಾನಿಯೇಲನೆ ಇನ, "ಗುರು, ತೂ ದೇವ್ನೊ ಛಿಯ್ಯೊ! ತೂಸ್ ಇಸ್ರಾಯೇಲ್ನೊ ರಾಜ಼!" ಕರಿ ಬೋಲ್ಯೊ.
50 ಯೇಸುನೆ ಇನ, ತೂ ಅಂಜೀರ್ನ ಝಾ಼ಡಾನ ಹೇಟ್ ಥೊ, ತದೆ ಮೆ ತುನ ದೇಖ್ಯೊ. ಕರಿ ಬೋಲ್ಯೋತೆ ವಾತೆಥಿ ತೂ ನಂಬಾಸ್ಕಿ ಶು? ತೂ ಇನೇಥಿಬಿ ಜಾ಼ಖ್ಹತ್ ಮೋಟು ಕಾಮ್ಖ್ಹಾರು ದೇಖಿಶ್!" ಕರಿ ಬೋಲ್ಯೊ. 51 ಯೇಸುನೆ ಇವ್ಣುನ, "ಮೇ ತುಮೂನ ಖ್ಹಾಚ ಬೋಲುಸ್ಕಿ: ಸೊರ್ಗ ನಿಕ್ಳೈರ್ಹೀಶೆತೆ ಅಜು಼ ಅದ್ಮಿನೊ ಛಿಯ್ಯಾನ ಉಪ್ಪರ್ ಕರಿ ದೇವ್ನು ದೂತರ್ ಉತ್ರಿ ಆವಾನು ಅಜು಼ ಜಾ಼ವಾನು ತುಮೆ ದೇಕ್ಶು" ಕರಿ ಬೋಲ್ಯೊ.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)