4 ಅಜು಼, "ಗುರು, ಆ ತಯೇಡ ವ್ಯಬಿಚಾರ್ ಕರಾನಿ ವಖ್ಹತ್ಮಾಸ್ ಖ್ಹಪ್ಡಿಗೈ. 5 ಅಮ್ನಿ ತಯೇಡಾವ್ನ ಬಂಡೊ ಫೇಕಿನ್ ಮಾರ್ನು ಕರಿ ಮೋಶೆನೆ ಧರ್ಮಶಾಸ್ತ್ರಮ ಹಮೂನ ಹುಕುಮ್ ದೀರಾಖ್ಯೊಸ್. ಕತೋಬಿ ಅನಿ ಬಾರೇಮ ತೂ ಶಾತ್ ಬೋಲಾಸ್?" ಕರಿ ಇನ ಪುಛಾ಼ಯು.8:5 ಯಾಜಕ ಕಾಂಡ 20:10; ಧರ್ಮೊಪದೇಶ ಕಾಂಡ 22:22-24 6 ಯೇಸುನಿ ವಾತೇಮ ಶಾತ್ತೋಬಿ ಗಲತ್ ಮಳ್ಯುತೊ, ಅಪ್ಣೆ ಇನ ಖ್ಹಪ್ಡಾಯೆಜಾ಼ಯಿ ಕರಿ ಇವ್ಣೆ ಯೇಸುನ ಸವಾಲ್ಕರ್ಯು? ಕತೋಬಿ ಯೇಸು ಮುಡ್ಕ್ಯು ಝು಼ಕೈನ್, ಇನಿ ಅಂಗ್ಳೀಥಿ ಜ಼ಮೀನ್ಪರ್ ಲೀಖಾಲಗ್ಯೊ.
7 ಇವ್ಣೆ ಲಗತ್ತರ್ ಇನ ಪುಛಾ಼ವ್ ಕರ್ತುಥೂತೆ ಇನಖ್ಹಾಜೆ, ಯೇಸುನೆ ಮುಡ್ಕ್ಯು ಪಾಡೀನ್, ಇವ್ಣಾಮ ಏಕ್, "ತುಮಾರಮ ಕೋಣ್ ಪಾಪ್ ಕರಿರಾಖ್ಯುಕೊಯ್ನಿಕಿ, ಇವ್ಣೆ ಪಹಿಲೆ ಇನಾಪರ್ ಬಂಡೊ ಫೇಕಾದೆ" ಕರಿ ಬೋಲ್ಯೊ. 8 ಅನಕೇಡೆಥು ಅಜು಼ಪಾಛು಼ ಮಡ್ಕ್ಯು ಝು಼ಕೈನ್ ಜ಼ಮೀನ್ಪರ್ ಲೀಖಾಲಗ್ಯೊ. 9 ಆ ವಾತೇನ ಖ್ಹಮ್ಜಿನ್, ಪಹಿಲೆ ಶಾಣು ಅಜು಼ ಬಿಜು಼ಖ್ಹಾರು ಏಕೆಕೇಸ್ ನಿಕ್ಳಿನ್ ಚ಼ಲಿಗಯು. ಯೇಸು ಎಕ್ಕಸ್ ಜ಼ಣೊ ರಹಿಗೊ ಅಜು಼ ಯೋ ತಯೇಡ ಇನಖ್ಹಾಮ್ಣೆ ಭೀಥಿ. 10 ಯೇಸು ಉಠಿ ಭೀರಿನ್, ಯೋ ತಯೇಡಾನ ದೇಖಿನ್, "ಅಲಿ ಬಾಯಿ, ಇವ್ಣೆ ಖ್ಹಾರು ಕ್ಯಾ? ತಾರಪರ್ ಗಲತ್ ಲಗಾಡನಖ್ಹಾಜೆ ಕೋಣ್ಬಿ ಕೋ ಬಚ್ಯೂನಿಕಿ ಶು? ಕರಿ ಬೋಲ್ಯೊ.
11 ಯೋ ತಯೇಡಾನೆ, "ಕೋಣ್ಬಿ ಕೋ ಬಚ್ಯೂನಿಲಾ ಪ್ರಭು! ಕರಿ ಬೋಲಿ.
ತದೆ ಯೇಸುನೆ ಇನ, "ಇಮ್ಕತೊ, ಮೇಬಿ ತಾರಪರ್ ಗಲತ್ ಕೋ ಲಗಾಡುನಿ. ಹಮ್ಕೆ ತೂ ಜಾ಼, ಅಜು಼ಪಾಛು಼ ಪಾಪ್ ನಕೊ ಕರೀಶ್" ಕರಿ ಬೋಲ್ಯೊ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)