12 ಯೇಸುನೆ ಇನ ದೇಖಿನ್, ಖನ್ನೆ ಬುಲೈನ್ ಇನ, "ಬಾಯಿ, ತಾರ ರೋಗ್ಥಿ ತೂ ಛು಼ಟಿಗಿ!" ಕರಿ ಬೋಲಿನ್, 13 ಇನಾಪರ್ ಇನೊ ಹಾತ್ ಮ್ಹೇಲ್ಯೊ, ಮ್ಹೇಲ್ತಾಸ್ನ ಯೋ ಉಭು ಭೀರಿಗೈ ಅಜು಼ ಇನೆ ದೇವ್ನ ಸ್ತುತಿ ಕರಿ.
14 ಕತೋಬಿ ಯೋ ಸಬೆ ಭರಾವಾನು ಮಂದಿರ್ನು ಅದಿಕಾರಿನೆ ಅನ ದೇಖಿನ್, ಸಬ್ಬತ್ ದನ್ಮ ಯೇಸುನೆ ಅಛ್ಛು಼ ಕರ್ಯೋನಿ ಕರಿ ಬೋಲಿ ಇರಾದೊ ಖೈನ್, ಅದ್ಮಿ ಖ್ಹಾರಾನ, "ಕಾಮ್ ಕರಾನ ಛೊ಼ ದನ್ ಛಾ಼, ಯೋ ದನೂಮ ಐನ್ ಅಛ್ಛು಼ ಕರೈಲೆವೊ; ಸಬ್ಬತ್ ದನ್ಮ ಪಣ್ಕಿ ನಕೊ!" ಕರಿ ಬೋಲ್ಯೊ.
15 ಯೋ ವಾತೇನ ಖ್ಹಮ್ಜಿನ್ ಪ್ರಭುನೆ ಇನ, "ತುಮೆ ಠಗಾರು ತುಮಾರಾಮ ಹರೇಕ್ ಜ಼ಣು ಸಬ್ಬತ್ ದನ್ಮಾಬಿ, ಇವ್ಣು ಢಾಂಡೊ ರ್ಹವೊ, ಗಧೇಡಾನ ರ್ಹವೊ ಕೋಠಾಮಾಥು ಛೋ಼ಡಿನ್, ಪಾಣಿ ಪಿಡಾವಾನಟೇಕೆ ಧರ್ಲಿ ಜಾ಼ಸ್ನಿ.
16 ಇಮ್ಕತೊ, ಅಠಾರ ವರಖ್ಹ್ಥು ಶೈತಾನ್ನೆ ಭಾಂದಿರಾಖ್ಯೋತೆ, ಆ ಅಬ್ರಹಾಮ್ನಿ ಪಿಳ್ಗಿವಾಳಿನ ಸಬ್ಬತ್ನ ದನ್ಮ ಭಂದಣ್ಮಾಥು ಛೋ಼ಡಾವ್ಣು ನಾಕಿಶು?" ಕರಿ ಜವಾಬ್ ದಿದೊ.
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)