20 ತದೆ ಯೋ ಉಠೀನ್, ಪಾಛು಼ ಇನ ಬಾಕನ ಗಯೊ.
ಯೋ ಅಜೂ಼ಬಿ ದೂರ್ ರ್ಹವಾನಿಸ್ ವಖ್ಹತ್ಮ, ಇನೊ ಬಾ ಇನ ದೇಖಿನ್, ಗೋರ್ಖೈನ್, ನಾಶಿಆಯಿನ್, ಇನ ಬಥೈನ್ ಬುಚ್ಚಾ಼ ದಿದೊ. 21 ಕತೋಬಿ ಛಿಯ್ಯಾನೆ ಇನ, ‘ಬಾ, ಪರ್ಲೋಕ್ನ ವಿರೋದ್ ಅಜು಼ ತಾರ ಖ್ಹಾಮ್ಣೆಬಿ ಪಾಪ್ ಕರಿರಾಖ್ಯೋಸ್. ಅಜು಼ ತಾರ ಖ್ಹಾಮ್ಣೆ ಮೇ ಛಿಯ್ಯೊ ಹುಯಿರ್ಹವಾನ ಲ್ಹಾಯೇಕ್ ಕೊಯ್ನಿ’ ಕರಿ ಬೋಲ್ಯೊ. 22 ಕತೋಬಿ ಬಾನೆ ಇನ ಆಳ್ನ, ‘ಫಟ್ ಕರಿ ಘಣ ಅಛ಼್ಛ ಝ಼ಗ್ಗಾನ ಲಯಿನ್ ಅನ ಪೇರ್ಹಾವೊ. ಅನಿ ಅಂಗ್ಳೀಮ ಅಂಘೂಟಿ ಅಜು಼ ಗೋಡಾಮ ಖೋಖ್ಹ್ಡಾ ಘಾಲೊ. 23 ಅಜು಼ ಪಲೈಹುಯೊ ಕೆಲ್ಡಾನ ಲೈನ್ ರ್ಹೇಖ್ಹೊ, ಮಿಝ಼್ವಾನ್ ಪಿಕೈನ್ ಖ್ಹುಶಿ ಕರಿಯೆ!
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)