ಲೂಕ 2

15 ದೇವ್‌ದೂತರ್‌ ಇವ್ಣಕಂಥು ಪಾಛು಼ ಪರ್‌ಲೋಕ್ ಚ಼ಲ್ಯುಜಾ಼ವಾನ ಬಾದ್‌ಮ, ಮೇಂಢ ಚ಼ರಾವವಾಳು ಏಕ್‌ಥಿ ಏಕ್‌, "ಅಪ್ಣೆ ಹಮ್ಕೇಸ್ ಬೇತ್ಲೆಹೇಮ್‌ನ ಜೈ಼ನ್, ಪ್ರಭುನೆ, ಅಪ್ಣುನ ಮಾಲುಮ್ ಕರಾಯೋತೆ ಆ ಬಾರೇಮ, ಚಾ಼ಲ್ಯುತೆ ಇನ ದೇಖೆ" ಕರಿ ವಾತೆ ಬೋಲಿಲಿದು.

16 ತದೆ ಇವ್ಣೆ ಒಗ್ಗಿಸ್‌ಮ ಜೈ಼ನ್, ಮರಿಯನಾಬಿ ಯೋಸೇಫ್‌ನಾಬಿ ಅಜು಼ ಗೋದ್‌ಡಿಮ ಖ್ಹುತೂಥೂತೆ ಲಡ್ಕಾನಾಬಿ ದೇಖ್ಯು. 17 ಮೇಂಢ ಚ಼ರಾವವಾಳನೆ ಲಡ್ಕಾನ ದೇಖಿನ್, ಇನಿ ಬಾರೇಮ ದೇವ್‌ನೊ ದೂತನೆ ಇವ್ಣುನ ಬೋಲ್ಯೋತೆ ವಾತೇನ ಇವ್ಣ ಖ್ಹಾಮ್ಣೆ ಬೋಲ್ಯು. 18 ಇನ ಖ್ಹಮ್‌ಜ್ಯೂತೆ ಖ್ಹಾರಾಸ್‌ನೆ, ಮೇಂಢ ಚ಼ರಾವವಾಳು ಇವ್ಣುನ ಬೋಲ್ಯೂತೆ ವಾತೇನಖ್ಹಾಜೆ ಆಶ್ಚರ್ಯಖಾದು.