ಯೇಸುನೆ ಭಾರ ಶಿಷ್ಯರ್ನ ಬೋಲಿ ಮೋಕ್ಲ್ಯೊತೆ
1 ಯೇಸುನೆ ಭಾರ ಜ಼ಣ ಅಪೊಸ್ತಲರ್ನ ಏಕ್ದಮ್ ಬುಲೈನ್, ಇವ್ಣುನ ಭೂತ್ಖ್ಹಾರು ಕಾಡಾನ ಅಜು಼ ರೋಗ್-ರಾಯೊ ಅಛ್ಛು಼ಕರಾನ ಶಕತ್ ಅಜು಼ ಅದಿಕಾರ್9:1 ಹಕ್ ಕರೀಬಿ ಬೋಲೆಜಾ಼ಯ್ ದಿದೊ. 2 ಅಜು಼ ದೇವ್ನಿ ರಾಜ್ಯನಿ ಬಾರೇಮ ಬೋಲಿವತಾಳಾನ ಅಜು಼ ರೋಗಿನ ಅಛ್ಛು಼ ಕರಾನ ಇವ್ಣುನ ಮೋಕ್ಲ್ಯೊ. 3 ಮೋಕ್ಲಾನಿ ವಖ್ಹತ್ಮ ಇವ್ಣುನ, "ಜಾ಼ವಾನಿ ವಖ್ಹತ್ಮ ತುಮೆ ಶಾತ್ಬಿ ನಕೊ ಲೀಜಾ಼ವೊ: ಲಠ್ಠೊ ರ್ಹವೊ, ಝೋ಼ಳಿ9:3 ಮಾಂಗಾನೊ ಬಟ್ವೊ ಕರಿ ಮತ್ಲಬ್ ರ್ಹವೊ, ಖಾಣಾನು ಬುತ್ತು ಅಜು಼ ಪೈಶಾ ರ್ಹವೊ ನಕೊ; ಬಿಜೇಕ್ ಕುಡ್ತು ಜಿನ್ಕುಬಿ ನಕೊ. 4 ತುಮೂನ ಖೆವ ಘರ್ಮ ಬುಲೈಲೇಸ್ಕಿ, ಯೋ ಗಾಮ್ ಮ್ಹೇಲಿನ್ ಜಾ಼ವಾಲಗೂಬಿ ಯೋಸ್ ಘರ್ಮ ರ್ಹವಾಕರೊ. 5 ಅಜು಼ ಖೆವ ಗಾಮ್ಮತೋಬಿ ತುಮೂನ ನಾ ಬುಲೈಲಿದುತೊ, ಯೋ ಗಾಮ್ನ ಮ್ಹೆಂದಿನ್ ಜಾ಼ವೊ ಅಜು಼ ತುಮಾರ ಗೋಡಾನ ಲಾಗಾತೆ ಧೂಳ್ನ ಝ಼ಟ್ಕಿ ದೆವೊ. ಯೋ ಇವ್ಣುನ ಝೇತಾವನು ಸಾಕ್ಷಿ ಹುಯಿರ್ಹಿಶೆ.
6 ತದೆ ಶಿಷ್ಯರ್ಖ್ಹಾರು ಹಿಜ್ಜಾ಼ಥು ನಿಕ್ಳಿನ್, ಏಕ್ ಗಾಮ್ಥು ಬಿಜೇಕ್ ಗಾಮ್ ಜಾ಼ತುಹುಯಿನ್, ಹರೇಕ್ಆಡಿ ದೇವ್ನಿ ಸುವಾರ್ತೆನ ಬೋಲ್ತುಹುಯಿನ್, ರೋಗ್ಮ ರ್ಹಾವಾಳನ ಅಛ್ಛು಼ಕರ್ಯು
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)