Marcos 10

4 ತದೆ ಇವ್ಣೆ, ತಲಾಕ್‌ನು ಕಾಗತ್‌ ಲೀಖಿದೀನ್‌, ಇನಿ ಬಾವಣ್ಣ ಮ್ಹೇಲಿದಿಯ್ಯೆಜಾ಼ಯ್ ಕರಿ ಮೋಶೇನೆ ಹುಕುಮ್‌ ದೀರಾಖ್ಯೊಸ್" ಕರಿ ಬೋಲ್ಯು.

5 ತದೆ ಯೇಸುನೆ ಇವ್ಣುನ, "ತುಮಾರ ಮೊಂಡಿದಿಲ್‌ನ ದೇಖಿನ್, ಮೋಶೆನೆ ಅಮ್ನಿ ಹುಕುಮ್ ದೀರಾಖ್ಯೋಸ್ತೆ. 6 ದೇವ್‌ನೇತೊ ಖ್ಹಾರು ಉಬ್‌ಜಾ಼ಯೋತೆ ತಪ್‌ಥೋಸ್‌, ‘ಅದ್ಮಿನ ಪರ್‌ಖ್ಹೊ ತಯೇಡಕರಿ ಬಣಾಯೊ, 7 ಅನಖ್ಹಾಜೆಸ್ ಪರ್ಖ್ಹೊ ಇನ ಆಯ-ಬಾನ ಮ್ಹೇಲಿನ್, ಇನಿ ಬಾವಣ್‍ಥಿ ಮಳಾಸ್, ಅಜು಼ ಇವ್ಣೆ ಭೇ ಜ಼ಣ ಎಕ್ಕಸ್ ಶರೀರ್ ಹುಯಿಜಾ಼ಸ್’ ಕರಿ ಲೀಖೈರ‍್ಹುಸ್. 8 ಅಮ್ ಬಿಜು಼ ಖ್ಹಾಮ್ಣೆ ಇವ್ಣೆ ಬೇಜ಼ಣ ಕಾಹೆ, ಎಕ್ಕಸ್ ಶರೀರ್‌ ಹುಯಿರ‍್ಹಾಸ್. 9 ಇನಾಖ್ಹಾಜೆ ದೇವ್ನೆ ಮಳಾಯಹುಯಾನ, ಅದ್ಮಿ ಅಲಕ್‌ನಾಸ್ ಕರ‍್ನು" ಕರಿ ಬೋಲ್ಯೊ.