11 ಕತೋಬಿ ತುಮಾರಮ ಕೋಣ್ತೋಬಿ ಏಕ್ ಜ಼ಣು ಇನ ಆಯ-ಬಾನ ಶಾತ್ತೋಬಿ ದೀನ್, ಮದತ್ಕರ್ನು ಕರಿ ರ್ಹೇಸ್ತೆ ಯೋ ಖ್ಹಾರು ‘ಕೊರ್ಬಾನ್’ ಕರಿನಾಖ್ಯೊ"7:11 ಕುರ್ಬಾನ್ ಕತೊ ದೇವ್ನ ಮುಡಪ್ ಕರಿ, ಯೆಹೂದ್ಯರ್ನು ಕೋಣ್ತೋಬಿ ಏಕ್ ಜ಼ಣು ದೇವ್ನಖ್ಹಾಜೆ ಕರಿ ಶಾತ್ತೋಬಿ ಕಾಡಿ ಮ್ಹೆಂದಿದೂತೊ ಇನ ಛೀಮಾನ ಬಿಜು಼ ಕಿನಾಬಿ ಹಕ್ಕೊಯ್ನಿ. ಅಮ್ ಕರಿ ಪರಿಸಾಯರ್ ಅಜು಼ ಶಾಸ್ತ್ರಿಯೇನಿ ಝೂ಼ಂಡ್ವಾಳಾನೆ ಕರ್ಯುತೆ. ಕರಿ ಬೋಲಿಲಿದೊತೊ, 12 ಯೋ ಅದ್ಮಿ ಇನ ಆಯನ ರ್ಹವೊ, ಬಾನ ರ್ಹವೊ ಬಿಜು಼ ಶಾತ್ಬಿ ದೇಕ್-ಭಾಲ್ ಕರ್ನುನಾತೆ ಇಮ್ ಭಾಮ್ಥಿ ಛು಼ಕಿಜಾ಼ಸ್. 13 ಅಮ್ ತುಮೆ ಏಕ್ಥಿ-ಏಕ್ ಬೋಲಿದೇತಾಹುಯಿನ್ ದೇವ್ನಿ ಪದತ್ತಿನ ಮರ್ಯಾದಿಕೊಂತೆ ಇಮ್ ಕರೋಸ್. ಅತ್ರೇಸ್ ಕಾಹೆತೆ ಅಮ್ನು ಖ್ಹಾರು ಬಿಜೂ಼ಬಿ ಕೈಯೆಕ್ಕಿ ಕರೋಸ್" ಕರಿ ಬೋಲ್ಯೊ.
ಅದ್ಮಿನ ಗಲೀಜ಼್ ಬಣಾವನು ರಾಛು಼.
14 ಬಾದ್ಮ ಯೇಸುನೆ ಅದ್ಮಿನಿ ಝೂ಼ಂಡ್ನ ಪಾಛೊ಼ ಖನ್ನೆ ಬುಲೈನ್ ಇವ್ಣುನ, "ಖ್ಹಾರು ಕಾನ್ ಜೋ಼ಡಿನ್ ಮಾರಿ ವಾತೆನ ಖ್ಹಮ್ಜೊ಼, ಅಜು಼ ಪರ್ಖಿಲೆವೊ. 15 ಭಾರ್ಥು ಮಹಿ ಜೈ಼ನ್ ಏಕ್ ಅದ್ಮಿನ ಪದತ್ತಿನಿಘೋಣಿ ಮೈಲುಕರಾನು ಏಕ್ಬಿ ಕೊಯ್ನಿ. ಕತೋಬಿ ಏಕ್ ಅದ್ಮಿನ ಮಹಿತು ಭಾರ್ ನಿಕ್ಳಾನುಸ್ ಇನ ಮೈಲುಬಣಾವಸ್"
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)