ಮತ್ತಾಯ 13

3 ತದೆ ಯೇಸುನೆ ಇವ್ಣುನ ಮತ್ಲಬ್‌ನಿ ಖೇಣಿಯೇಥಿ ಕೈಏಕ್ ವಾತೆನಿ ಬಾರೇಮ ಬೋಲ್ಯೊ. 4 "ಖೇತರ್‌ ಕರಾವಾಳೊ ಏಕ್‍ಜ಼ಣೊ ಪಂಡಾ ಛಿಡ್ಕಾನಖ್ಹಾಜೆ ಗಯೊ. ಯೋ ಪಂಡಾ ಛಿಡ್ಕಾನಿ ವಖ್ಹತ್‌ಮ, ಥೋಡ ಪಂಡಾ ವಾಟ್ನಿ ಪಾಕ್ತಿಮ ಪಡ್ಯು ಜಿನಾವರ್‌ ಖ್ಹಾರು ಆಯಿನ್ ಇನ ಚ಼ರಿಲಿದು. 5 ಅಜು಼ ಥೋಡ ಪಂಡಾ ಜಾ಼ಖ್ಹತ್ ಮಾಟಿಕೊಂತೆ ಬಂಡಾನಿ ಜ಼ಮೀನ್‌ಪರ್ ಪಡ್ಯು; ಹಿಜ಼್ಜಾ ಛಿವರ್‌ ಮಾಟಿ ಥೀತೆ ಇನಖ್ಹಾಜೆ ಯೋ ಒಗ್ಗಿಸ್‌ಮ ಫುಟಿ ಆಯು. 6 ಕತೋಬಿ ತಡ್ಕೊ ಪಡಾದೀನ್‌, ಯೋ ಶೊಶಿಯೆ ಮಹಿತೋಡಿ ಜ಼ಡೆ ಕೋ ಮ್ಹೇಲಿರಾಖ್ಯುಥುಂತೆ ಇನಖ್ಹಾಜೆ ಖ್ಹುಕೈಗಯು. 7 ಅಜು಼ ಥೋಡ ಪಂಡಾ ಕಾಟಾನ ಡಾಗ್‌ಮ ಪಡ್ಯು, ಕಾಟಾನು ಝಿಕ್ರುಖ್ಹಾರು ಮೋಟುಹುಯಿನ್, ಯೋ ಶೊಶಿಯೇನ ದಾಬಿನಾಖ್ಯು. 8 ಕತೋಬಿ ಅಜು಼ ಥೋಡ ಪಂಡಾ ಅಛ್ಛಿ ಜ಼ಮೀನ್‌ಪರ್‌ ಪಡೀನ್, ಫುಟೀನ್, ಪಂಡು ಮ್ಹೇಲ್ಯು; ಥೋಡು ಖ್ಹೋ ಪಂಡಾಎತ್ರು, ಥೋಡು ತೀನಿಖ್ಹ್‌ ಪಂಡಾಎತ್ರು, ಥೋಡು ಡೋಡಿಖ್ಹ್‌ ಪಂಡಾಎತ್ರು" ಮ್ಹೇಲ್ಯು.