ಯೇಸುನೆ ಭೂತ್ ಧರಿರಾಖ್ಯುಥೂತೆ ಏಕ್ ಛೋ಼ಕ್ರಾನ ಅಛ್ಛು಼ ಕರ್ಯೊತೆ
14 ಯೇಸು ಅಜು಼ ಇನ ಶಿಷ್ಯರ್ ಪಾಛು಼ ಫರೀನ್ ಅದ್ಮಿನಿ ಝೂ಼ಂಡ್ಕನ ಆವಾದಿನ್, ಏಕ್ ಜ಼ಣೊ ಯೇಸುಕನ ಐನ್, ಇನಖ್ಹಾಮ್ಣೆ ಗುಡ್ಘ್ಯ ಟೇಕಿನ್, 15 "ಪ್ರಭು, ಮಾರ ಛಿಯ್ಯಾನ ಗೋರ್ ಕರ್! ಇನ ಮಿರ್ಘಿ ಲಾಗಿರ್ಹೂಸ್, ಇನೇಥಿ ಯೋ ಘಣು ತರಪ್ಡುಕರಾಸ್. ಯೋ ತದೆ-ತದೆ ಆಗ್ಮಾಬಿ ಪಾಣಿಮಾಬಿ ಪಡ್ತೊರ್ಹೇಸ್. 16 ಮೇ ಇನ ತಾರ ಶಿಷ್ಯರ್ಕನ ಬುಲೈಲಿ ಆಯೊ, ಕತೋಬಿ ಇನ ಅಛ್ಛು಼ ಕರಾನ ಇವ್ಣ ಹಾತೆ ಕೋ ಹುಯೋನಿ" ಕರಿ ಬೋಲ್ಯೊ.
17 ಯೇಸುನೆ, "ಏ, ವಿಶ್ವಾಸ್ಕೊಂತೆ ಬುಧ್ಧು ಖಾಂದಾನ್ವಾಳ! ಬಿಜು಼ ಕೆತ್ರ ದನ್ ಮೇ ತುಮಾರ ಜೋ಼ಡೆ ರ್ಹೇಣು? ಬಿಜು಼ ಕೆತ್ರ ದನ್ ತುಮೂನ ಖ್ಹಮಾಳ್ಣು? ಯೋ ಛೋ಼ಕ್ರಾನ ಹಜ್ಜಾ಼ ಮಾರಕನ ಬುಲೈಲಿ ಆವೊ!" ಕರಿ ಬೋಲ್ಯೊ. 18 ಯೇಸುನೆ ಯೋ ಛೋ಼ಕ್ರಮ ಥೂತೆ ಭೂತ್ನ ಗುರ್ಕಾವಖ್ಹತರ್, ಯೋ ಭೂತ್ ಇನ ಮ್ಹೆಂದಿನ್ ನಿಕ್ಳಿಗಯು. ಯೋಸ್ ವಖ್ಹತ್ಮ ಇನ ಅಛ್ಛು಼ ಹುಯಿಗಯು.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)