ಮತ್ತಾಯ 20

ಏಕ್‌ ಆಯಾನಿ ಬಿಂತಿ

20 ತದೆ ಜೆಬೆದಾಯನಿ ಬಾವಣ್‍ ಇನ ಭೇ ಪರ್ಖ್ಹಾ ಲಡ್ಕಾನ ಜೋ಼ಡೆ ಯೇಸುಕನ ಐನ್, ಇನಖ್ಹಾಮ್ಣೆ ಆಡ್‍ಪಡಿನ್, ಮಾರಿ ಏಕ್‌ ಬಿಂತಿನ ಚ಼ಲೈದೇಣು ಕರಿ ಬೋಲಿಲಿದಿ.

21 ಯೇಸುನೆ ಇನ, "ತುನ ಶಾತ್ ಹೋಣು?" ಕರಿ ಪುಛಾ಼ಯೊ.

ತದೆ ಇನೆ, "ಮನ ಹುಕುಮ್‌ಕರ್‌ ತಾರಿ ರಾಜ್ಯಮ ಮಾರ ಬೇ ಛಿಯ್ಯಾಮ ಏಕ್‌ ಜ಼ಣೊ ತಾರಿ ಖಾವಿ ಬಾಜು಼ಮ ಅಜು಼ ಏಕ್‍ಜ಼ಣೊ ತಾರಿ ಡಾವಿ ಬಾಜು಼ಮ ಬೇಖ್ಹಾನ ಬೋಲ್‌ಕರಿ ಬೋಲಿ

22 ಯೇಸುನೆ ಇನ ಛಿಯ್ಯಾವ್‍ನ, "ತುಮೆ ಶಾತ್ ಮಾಂಗಿಲಿದ ಕರಿ ತುಮೂನ ಮಾಲುಮ್ ಕೊಯ್ನಿ. ಮೇ ಪೀಣುತೆ ಖ್ಹತಾಪ್ಣಿನ ರಾಛ಼ಮ ತುಮೆ ಪಿಯ್ಯಾನ ಉಶೇಕಿ ಶು?" ಕರಿ ಪುಛಾ಼ಯೊ.

ಇನ ಇವ್ಣೆ, "ಹಮೂನ ಹುವಾಸ್" ಕರಿ ಜ಼ವಾಬ್‍ದಿದಾ.

23 ತದೆ ಯೇಸುನೆ ಇವ್ಣುನ, "ಮೇ ಪೀಣುತೆ ರಾಛ಼ಮ ತುಮೇಬಿ ಪೀಶು. ಕತೋಬಿ ಮಾರಿ ಖಾವಿ ಬಾಜೂ಼ಮ ಅಜು಼ ಡಾವಿ ಬಾಜೂ಼ಮ ಕೋಣ್ ಬೇಖ್ಹ್‌ಶೆ ಕರಿ ಚೂ಼ಣವಾಳೊ ಮೇ ಕಾಹೆ. ಮಾರೊ ಬಾ ಯೋ ಝ಼ಗೋನ ಕಿನ ಕರಿ ಮ್ಹೇಲಿರಾಖ್ಯೋಸ್ಕಿ ಇವ್ಣುನಾಸ್ ಯೋ ಮಳ್‌ಶೆ" ಕರಿ ಬೋಲ್ಯೊ.