ಯೇಸುನೆ ಬೇ ಜ಼ಣ ಕಾಣಾನ ಅಛ್ಛು಼ ಕರ್ಯೋತೊ
29 ಯೇಸು ಅಜು಼ ಇನ ಶಿಷ್ಯರ್ ಯೆರಿಕೋಥು ಚ಼ಲ್ಯಾಜ಼ವ್ಕರ್ತಥಾತೆ ವಖ್ಹತ್ಮ, ಅದ್ಮಿನಿ ಮೋಟಿ ಭೀಡ್ ಇನ ಪೀಠೆ ಗಯು. 30 ತದೆ ಮಾರಗ್ನ ಶೇಡೆ ಬೆಠಾಥಾತೆ ಬೇ ಜ಼ಣ ಕಾಣಾನ ಯೇಸು ಹಜ್ಜಾ಼ಸ್ಕರಿ ವಳ್ಯೊಜಾ಼ಸ್ ಕರಿ ಖ್ಹಮ್ಜಿನ್, "ಪ್ರಭು, ದಾವೀದ್ನ ಛಿಯ್ಯಾ! ಹಮಾರಪರ್ ಗೋರ್ಕರ್" ಕರಿ ಚಿಕ್ರಾಲಗ್ಯಾ.
31 ಯೋ ಭೀಡ್ಮ ಥೂತೆ ಅದ್ಮಿಖ್ಹಾರು ಇವ್ಣುನ ಗುರ್ಕೈನ್, "ಖ್ಹೊಪೇಥಿರ್ಹವೊ" ಕರಿ ಬೋಲ್ಯು. ತೋಬಿ ಭೇ ಕಾಣಾವ್ನೆ ಬಿಜೂ಼ಬಿ ಜೋ಼ರೇಖ್ಹು ಚಿಕ್ರಿನ್, "ಪ್ರಭು, ದಾವೀದ್ನ ಛಿಯ್ಯಾ! ಹಮಾರಪರ್ ಗೋರ್ ಕರ್" ಕರಿ ಬೋಲ್ಯ.
32 ತದೆ ಯೇಸುನೆ ಭೀರಿನ್, ಇವ್ಣುನ ಬುಲೈನ್, "ಮೇ ತುಮೂನ ಶಾತ್ ಕರ್ನು?" ಕರಿ ಇವ್ಣುನ ಪುಛಾ಼ಯೊ.
33 ಇವ್ಣೆ, "ಪ್ರಭು, ಹಮಾರ ಡೋಳಾ ದೆಖಾವಾನಿಘೋಣಿ ಕರ್ಲಾ!" ಕರಿ ಬೋಲ್ಯು.
34 ತದೆ ಯೇಸುನೆ ಇವ್ಣಾಪರ್ ಗೋರ್ಖೈನ್, ಇವ್ಣ ಡೋಳಾನ ಛೀಮ್ಯೊ. ತದ್ನು ತದ್ದೇಸ್ ಇವ್ಣ ಡೋಳಾ ಐಗಯ, ಅಜು಼ ಇವ್ಣೆ ಇನ ಪೀಠೆ ಗಯ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)