ಯೇಸುನೆ ಅಂಜೀರ್ನ ಝಾ಼ಡಾನ ಶಾಪ್ ದಿದೋತೆ
18 ತಿನವ್ಹಾಣೆ ಯೇಸು ಪಾಛೊ಼ಫರಿ ಯೆರೂಸಲೇಮ್ ಖ್ಹಯೇರ್ನ ಜಾ಼ವಾನಿ ವಖ್ಹತ್ಮ, ಯೇಸುನ ಭುಕ್ಲಾಗ್ಯು. 19 ಇನೆ ವಾಟ್ನ ಶೇಡೆಏಕ್ ಅಂಜೀರ್ನ ಝಾ಼ಡಾನ ದೇಖಿನ್, ಇನಖನ್ನೆ ಜೈ಼ನ್, ಇನಾಮ ಖಲಿ ಪಾಂದ್ಡುಸ್ ಪಣ್ಕಿ, ಬಿಜು಼ ಶಾತ್ಬಿ ಕೋಥುಂತೆ ದೇಖಿನ್, "ಅನಾಪರ್ಥು ತೂ ಬಿಜು಼ ಕದೆಕದೇಬಿ ಪಂಡು ನಾ ಮ್ಹೇಲ್ನೂತೆ ಇಮ್ ಹುವಾದೆ!" ಕರಿ ಬೋಲ್ಯೊ. ತದ್ನು-ತದ್ದೇಸ್ ಯೋ ಅಂಜೀರ್ನು ಝಾ಼ಡು ಖ್ಹುಕೈಗಯು.
20 ಶಿಷ್ಯರ್ನೆ ಅನ ದೇಖಿನ್, ಆಶ್ಚರ್ಯಖೈನ್, "ಅಂಜೀರ್ನು ಝಾ಼ಡ್ ಎಕ್ಕಸ್ ಘಡೀಮ ಖ್ಹುಕೈಗಯೂತೆ ಕಿಮ್?" ಕರಿ ಪುಛಾ಼ಯ.
21 ಯೇಸುನೆ, "ತುಮುನ ಖ್ಹಾಚ ಬೋಲುಸ್, ತುಮೆ ಗುಮಾನಿ ಕರಾಕೊಂತೆ ಇಮ್ ವಿಶ್ವಾಸ್ ಕರ್ಯಾತೊ, ಮೇ ಆ ಅಂಜೀರ್ನ ಝಾ಼ಡಾನ ಕರ್ಯೊತೆ, ಇಮ್ಮಸ್, ತುಮೇಬಿ ಕರ್ಶು. ಅಜು಼ ಎತ್ರೆಸ್ ಕಾಹೆತೆ,ಆ ಪಹಾಡ್ನ, ‘ತೂ ಉಖ್ಡೈ ಜೈ಼ನ್, ದರ್ಯಾವ್ಮ ಪಡ್’ ಕರಿ ಬೋಲ್ಯಾತೋಬಿ ಯೋ ಉಶೆ. 22 ತುಮೆ ನಂಬಿನ್, ಪ್ರಾರ್ಥನೆಮ ಶಾತ್ ಮಾಂಗೋಸ್ಕಿ ಯೋ ತುಮೂನ ಮಳ್ಶೆ" ಕರಿ ಬೋಲ್ಯೊ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)