ಖ್ಹಾಚಿ ಖ್ಹುಶಿ
3 "ಕೋಣ್ ಆತ್ಮಮ ಗರೀಬ್ ಹುಯಿರ್ಹವಾಳ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್;
ಸೊರ್ಗ ರಾಜ್ಯ ಇವ್ಣುಸ್ ಹುಯಿರ್ಹುಸ್!
4 ಕೋಣ್ ದುಖ್ಮ ಛಾ಼ಕಿ, ಇವ್ಣೆ ಧನ್ಯ ಹುಯಿರ್ಹುಸ್
ದೇವ್ ಇವ್ಣುನ ಸಮಾಧಾನ್ ದಿಶೆ.
5 ಖ್ಹಮಾಳಿಲ್ಯವಾಳು ಧನ್ಯ, ಇವ್ಣೆ ಧರ್ತಿಪರ್ ಖ್ಹುಶಾಲಿವಾಳು ಹುಯಿರ್ಹುಸ್.
ದೇವ್ನೆ ಶಾತ್ ವಾತೆ ದೀರಾಖ್ಯೊಸ್ಕಿ, ಯೋ ಇವ್ಣುನ ಮಳ್ಶೆ.
6 ಕೋಣ್ ದೇವ್ನಿ ಮರ್ಜಿನಿಘೋಣಿ ಕರಾನ ಘಣು ಆಖ್ಹ್ ಕರಾಸ್ಕಿ, ಇವ್ಣೆ ಧನ್ಯ ಹುಯಿರ್ಹಾಸ್;
ದೇವ್ ಇವ್ಣುನ ಹಕ್ಲಾಲ್ ಹುವಾನಿತರ ಕರ್ಶೆ.
7 ಕೋಣ್ ಬಿಜಾ಼ನ ಗೋರ್ ಕರಾಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್.
ದೇವ್ ಇವ್ಣಾಪರ್ ಗೋರ್ ಕರ್ಶೆ!
8 ಕೋಣ್ ದಿಲ್ಮ ಪಾಕ್ ರ್ಹೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್.
ಇವ್ಣೆ ದೇವ್ನ ದೇಕ್ಶೆ;
9 ಕೋಣ್ ಸಮಾಧಾನ್ ಕರಾನ ಮ್ಹಿನತ್ ಕರಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್,
ಇವ್ಣೆ ದೇವ್ನ ಲಡ್ಕಕರಿ ಬೋಲೈಲಿಶೆ.
10 ಕೋಣ್ ದೇವ್ನಿ ಮರ್ಜಿನಿಘೋಣಿ ರ್ಹವಾನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿಲೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ್ಹುಸ್.
ಸೊರ್ಗ ರಾಜ್ಯ ಇವ್ಣುಸ್ ಹುಯಿರ್ಹುಸ್!
11 "ಮಾರ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್ ಕಾಡಿನ್, ಖ್ಹತೈನ್, ತುಮಾರಪರ್ ಖ್ಹಾರಿಸ್ ತರ್ಹಾನು ಖರಾಬ್ನ ಬೋಲಿನ್, ಝೂ಼ಟಿ ಲಗಾಡ್ಯುತೊ, ತುಮೆ ಧನ್ಯ ಹುಯಿರ್ಹಾಸ್. 12 ಖ್ಹುಶಿ ಕರೊ ಅಜು಼ ಖೇಲ್ಕೂದ್ ಕರೊ, ಶನಕತೊ ಸೊರ್ಗಾಮ ತುಮೂನ ಘಣು ಇನಾಮ್ ಮಳ್ಶೆ. ತುಮಾರೇಥೀಬಿ ಅಗಾಡಿ ಥೂತೆ ಪ್ರವಾದಿಯೆನಾಬಿ ಅಮ್ಮಸ್ ಖ್ಹತಾಯುನಿ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)