Mateus 9

ಯೇಸುನೆ ಬೇ ಜ಼ಣ ಕಾಣಾನ ಅಛ್ಛು಼ ಕರ‍್ಯೊತೆ

27 ಯೇಸು ಹಿಜ್ಜಾ಼ಥೊ ಜಾ಼ವಾನಿ ವಖ್ಹತ್‌ಮ, ಬೇ ಜ಼ಣು ಕಾಣು, "ದಾವೀದ್‌ನ ಛಿಯ್ಯಾ, ಹಮಾರಪರ್‌ ಗೋರ್‌ ಕರ್‌!" ಕರಿ ಜೋ಼ರೇಖ್ಹು ಚಿಕರ್ತು ಹುಯಿನ್, ಇನ ಪೀಠೆ ಗಯ.

28 ಯೇಸು ಘರ್‌ನ ಮಹಿ ಜಾ಼ವಾದಿನ್, ಯೋ ಭೇ ಕಾಣು ಇನಾಕನ ಆಯು, ಇನೆ ಇವ್ಣುನ, "ಮೇ ತುಮೂನ ಅಛ್ಛು಼ ಕರೆಜಾ಼ಯ್ ಕರಿ ತುಮೆ ನಂಬೋಸ್ಕಿ ಶು?" ಕರಿ ಪುಛಾ಼ಯೊ. ಇವ್ಣೆ, "ಓಹೋಲಾ, ಪ್ರಭು!" ಕರಿ ಜವಾಬ್‌ ದಿದು. 29 ತದೆ ಯೇಸುನೆ ಇವ್ಣ ಡೋಳಾ ಛೀಮಿನ್‌, "ತುಮೆ ವಿಶ್ವಾಸ್ ಕರ‍್ಯಾತೆ ಇಮ್ಮಸ್, ತುಮೂನ ಹುವಾದೆ!" ಕರಿ ಬೋಲ್ಯೊ. 30 ತದೆ ಇವ್ಣ ಡೋಳಾ ದೆಖಾವಲಗ್ಯ. ಅಜು಼ ಯೇಸುನೆ ಇವ್ಣುನ, "ಆ ಬಾರೇಮ ಕಿನಾಬಿ ನಾ ಬೋಲ್‌ನು!" ಕರಿ ಇವ್ಣುನ ಝೇತಾಯೊ.

31 ಕತೋಬಿ ಇವ್ಣೆ ಹಿಜ್ಜಾ಼ಥು ಚ಼ಲ್ಯೂಜೈ಼ನ್, ಯೇಸುನಿ ಬಾರೇನಿ ಖಬರ್‌ನ ಯೋ ದೇಖ್ಹ್‌ ಅಖ್ಖು ಫೈಲೈದಿದು.