ರೋಮಾಪುರವಾಳನ 14

10 ಅಮ್‍ರ‍್ಹವಾಪರ್, ನಾಖಾವಳೊ ತೂ ಶನ ತಾರ ಭೈನ ತೀರ್ಪ್‌ಕರಸ್? ಅಖ್ಖಾಸ್ನ ಖಾವಾಳೊ ತು ತಾರ ಜೋ಼ಡ್ಮ ರ‍್ಹವಾಳ ವಿಶ್ವಾಸಿನ ಶನ ಚಾ಼ವ್‌ಣ್ಯ ಕಾಡಸ್‌? ಅಪ್ಣೆ ಖ್ಹಾರುಸ್ ದೇವ್ನು ನ್ಯಾವ್‍ನಿ ಝ಼ಗೋನಖ್ಹಾಮ್ಣೆ ಭೀರಿಶು. 11 ಶನಕತೊ ಪವಿತ್ರ ದಪ್ತರ್‌ಮ ಅಮ್‍ ಬೋಲಾವಸ್, "ಮೇ ಖ್ಹಾಚಮಾಬಿ ಜಿವಿರ‍್ಹೋಸ್ತೆ ದೇವ್ ಹುಯಿರ‍್ಹೋಸ್ ಇನಖ್ಹಾಜೆ ಹರೇಕ್ ಜ಼ಣುಬಿ ಮಾರಖ್ಹಾಮ್ಣೆ ಢುಕ್‍ಣ್ಯಮಾಂಡ್‍ಶೆ. ಅಜು಼ ಹರೇಕ್ ಮ್ಹೋಡು ಮನ ದೇವ್‌ಕರಿ ಸ್ತುತಿಕರಿನ್ ಕಬೂಲ್‍ಶೆ. ಕರಿ ಪ್ರಭು ಬೋಲಸ್".✝14:11 ಯೆಶಾಯ 45:23—49:18 12 ಅಮ್‍ರ‍್ಹವಾಪರ್ ಅಪ್ಣಾಮ ಹರೇಕ್ ಜ಼ಣುಬಿ ಇವ್ಣಿ ಬಾರೇಮ ದೇವ್ನ ಗಣ್ತಿ ದೇವ್ಣು ಪಡಸ್.