3 ಹಂದೇಖೊ ಘೋಡೊಖ್ಹಾರು ಅಪ್ಣಿ ಚ಼ಪ್ಪಣ್ಮ ಚಾ಼ಲನಿತರ ಯೋ ಅಖ್ಖಾನ ಮ್ಹೋಡಾನ ಲಗಾಮ್ ಘಾಲಿಯೆಸ್, ತದೆ ಇನ ಅಖ್ಖಯೇಕ್ ಶರೀರ್ನಾಸ್ ಅಪ್ಣುನ ಹೋಣುತೆ ಬಾಜು಼ ಫರಾಯೆಜಾ಼ಯ್. 4 ಜ಼ಹಾಜ಼್ನ ಜಿನು ದೇಖೊ. ಯೋಖ್ಹಾರು ಘಣು ಮೋಟು ರ್ಹಯುತೋಬಿ ತೋಫಾನ್ ವ್ಹಯಿರೆಥಿ ರುಕ್ ಬದ್ಲಿಜಾ಼ಸ್. ಕತೋಬಿ ಚ಼ಲಾವವಾಳೊ ಘಣು ನ್ಹಾನು ಚುಕ್ಕಾಣಿಥಿ ಯೋಖ್ಹಾರಾನ ಯೋ ಜಾ಼ವ್ಣುತೆ ಬಾಜು಼ ಫರೈಲೇಸ್. 5 ಇಮ್ಮಸ್ ಜೀಬ್ ಜಿನುಬಿ ನ್ಹಾನು ಖ್ಹಂದೊ ರ್ಹಯುತೋಬಿ ಮೋಟ ಕಾಮ್ನು ಬಡೈಮಾರಿನ್ ಕಂಡಿ ಚ಼ಢೈಲೇಸ್. ಆಗ್ನಿ ನ್ಹಾನಿ ಚಿನ್ಗಾರಿ ಮೋಟಿ ಝಾ಼ಡಿನಸ್ ಬಾಳಿನಾಖಸ್. 6 ಜೀಬ್ಬಿ, ಆಗ್ನಿ ಚಿನ್ಗಾರಿನಿತರಾಸ್. ಯೋ ಖರಾಬ್ ಜಗತ್ನು ಖ್ಹಣೇದ್ ಹುಯಿನ್ ಅಪ್ಣ ಖ್ಹಂದಾವ್ನ ಇಚ಼್ಮ ರ್ಹೀನ್ ಅಖ್ಖಾಏಕ್ ಶರೀರ್ನ ಮೈಲು ಕರಸ್. ಇನು ಯೋಸ್ ನರಕನಿ ಆಗ್ನಲಗಾಡಿಲಿನ್ ಯೋ ಅಖ್ಖಿ ಜಿ಼ಂದಗೀನಸ್ ಆಗ್ಲಗಾಡಸ್. 7 ಹರೇಕ್ ಜಾ಼ತ್ನು ಜೀನ್ ಜಿನಾವರ್ನಾಬಿ ವ್ಹವವಾಳು ಕೀಡ್ಕಮ್ಟನಾಬಿ, ಪಾಣಿನುಜಾನ್ವಾರ್ನಾಬಿ ಅದ್ಮಿ ಚ಼ಪ್ಪಣೆಮ ಲಾಯೆಜಾ಼ಯಿ ಅಜು಼ ಲೈರಾಖ್ಯೂಸ್ಬಿ. 8 ಕತೋಬಿ ಜೀಬ್ನ ಕೆಹೊ ಅದಮ್ಜ಼ಮಾನೋಬಿ ಚ಼ಪ್ಪಣೆಮ ಲ್ಯಾವಕೊಯ್ನಿ. ಯೋ ಚ಼ಪ್ಪಣ್ಮ ಆವಾಕೊಂತೆ ಕೇಡ್ಹುಯಿರ್ಹೂಸ್ ಮರಣ್ಣ ಝಾರ್ಥಿ ಭರೈರ್ಹೂಸ್.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)