Graça
1 The title of the hundrid and thrittithe salm. The song of greces, to Dauith himself. Lord, myn herte is not enhaunsid; nether myn iyen ben reisid. Nether Y yede in the grete thingis; nether in merueilis aboue me.
2 If Y feelide not mekely; but enhaunside my soule. As a childe wenyde on his modir; so yelding be in my soule.
18 Therfor the Lord abidith, that he haue mercy on you, and therfor he schal be enhaunsid sparynge you; for whi God is Lord of doom, blessid ben alle thei that abiden hym.
13 For which thing be ye gird the leendis of youre soule, sobre, perfit, and hope ye in to the ilke grace that is profrid to you bi the schewyng of Jhesu Crist,
25 The grace of oure Lord Jhesu Crist be with youre spirit. Amen.
6 This is the generacioun of men sekynge hym; of men sekynge the face of God of Jacob.
9 that delyueride vs, and clepide with his hooli clepyng, not after oure werkis, but bi his purpos and grace, that is youun in Crist Jhesu bifore worldli tymes;
14 For synne schal not haue lordschipe on you; for ye ben not vndur the lawe, but vndur grace.
16 For God louede so the world, that he yaf his oon bigetun sone, that ech man that bileueth in him perische not, but haue euerlastynge lijf.
24 But Y drede no thing of these, nether Y make my lijf preciousere than my silf, so that Y end my cours, and the mynysterie of the word, which Y resseyuede of the Lord Jhesu, to witnesse the gospel of the grace of God.
21 grace was more plenteuouse. That as synne regnede in to deth, so grace regne bi riytwisnesse in to euerlastynge lijf, bi Crist Jhesu oure Lord.
8 Hillis stien vp, and feeldis goen doun; in to the place which thou hast foundid to tho.
10 And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.
4 but God, that is riche in merci, for his ful myche charite in which he louyde vs,
5 yhe, whanne we weren deed in synnes, quikenede vs togidere in Crist, bi whos grace ye ben sauyd, and ayen reiside togidere,
8 For bi grace ye ben sauyd bi feith, and this not of you; for it is the yifte of God,
9 not of werkis, that no man haue glorie.
21 The grace of oure Lord Jhesu Crist be with you alle. Amen.
13 He that hidith hise grete trespassis, schal not be maad riytful; but he that knoulechith and forsakith tho, schal gete merci.
11 For the grace of God, oure sauyour,
12 hath apperid to alle men, and tauyte vs, that we forsake wickidnesse, and worldli desyris, lyue sobreli, and iustli, and piteuousli in this world,
24 The Lord blesse thee, and kepe thee;
25 the Lord schewe his face to thee, and haue mercy on thee;
26 the Lord turne his cheer to thee, and yyue pees to thee.
23 For alle men synneden, and han nede to the glorie of God;
24 and ben iustified freli bi his grace, bi the ayenbiyng that is in Crist Jhesu.
15 But not as gilt, so the yifte; for if thorouy the gilt of oon manye ben deed, myche more the grace of God and the yifte in the grace of o man Jhesu Crist hath aboundid in to many men.
14 Amen. For if ye foryyuen to men her synnes, youre heuenli fadir schal foryyue to you youre trespassis.
16 Therfor go we with trist to the trone of his grace, that we gete merci, and fynde grace in couenable help.
15 What therfor? Schulen we do synne, for we ben not vndur the lawe, but vndur grace?