Colossenses 1

Polue Kristusupo kapia xeika saina xeikaure kunawotai

15 Sini✝1.15 Yo 1.18;2 Ko 4.4;Ip 1.3 Xoiteu xekopusie itou xuwe, pana Xoiteupo Nono nu Xoiteu nuko sieni. Nu Xoiteupo akereki Nono xati, Xoiteu nukoe xokupa sapi iyareyai xiri tapaxi purina. 16 Pa Nonopu xuporei✝1.16 Yo 1.3; 1.10;Ro 8.38; 11.36;Ip 1.2; 2.10;1 Pi 3.22 Xoiteue xokupa sapi mena xouro xeika ouro xeika xosa iyareyai. Nue xokupa sapi xekopu xuweu xeika xekeurounuku sapi xeika iyareyai, paiya xetauxetau sokisoki xenikorokoro xeika sokisoki youya xeika xokupa sapi sokisoki tuku xeika iyareyai. Nukoe xokupa sapi nukouni iyareyai. 17 Mua xokupa sapi putawopu xuweu yauseni✝1.17 Yo 1.1-3; 8.58; 17.5;1 Ko 8.6, nu puroyai. Nue kakati xokupa sapi ati purineri xirini atineri saina tirouneri. 18 Nue✝1.18 YT 26.23;1 Ko 15.20; 15.23;Ep 1.10; 1.22-23;XKY 1.5 tapaxina Yesusure xonikisuneri tairouneri xuiapu yakunikirouna xati, nini paiya nukou mupokemu. Nu paiya ninipo ekenikioma xotapa. Akerina kopa upuropu xiyeri saroyai apu nuko, pa xati nukoini xokupa sapi tapatapaxi puropina. 19 Xoiteue✝1.19 Yo 1.16; 3.34;Kl 2.9 pa Nono xosa nukou xokupa ekeoma xeika kapia xeika puropinaure xina, pa xati Xoiteu nukoini nu xosa xiri xokopexina. 20 Kakina✝1.20 Ro 5.1;2 Ko 5.18;Ep 1.7; 1.10; 2.13; 2.16;1 Yo 2.2 Xoiteue nu xeika xokupa sapi xeika xokumo iyarepurexetai, paiya ouropu sapi xeika mena xouropu sapi xeika rania kakepina. Pa xati Kristusu wetati na nikitoto xosa xumati, nupo yawi kusawati, pa kapiae Xoiteue sinipo xiwai kapia ororetai.