Sini kireni xosikikemu purinuku asinaku kapia kireu apimi xosa kakepu
1 Kristusue tinipo xotikikemu sokisokirounare? Nue tini xiri xouwetikirouna xati paie kakati tinipo xotikikemu yoro purinare? Tini Xoiteupo Supo Youyapu ekeoma minika xosa purinukure? Tini kireu apimi xosa xotikisua xati xotikisuarei xotikienikirounukure? 2 Panumu xatia, paina tini asinaku asinaku kapia kakari, yeu nimariri paie xiri koxepina. Tini xokupae kireni nanunanuni kutu tinari kireu apimi xotikiewopi kapia kireni taiwa. Kakinari kireni xotikikemuni kutu pura. 3 Tini2.3 Ro 12.10;Ka 5.26;Ep 5.21;Pl 1.15-16;Ye 3.14 kakixanari takireni nanunanunari, takipo wenitiki xourorepi saina kireni taku. Xuwe. Tini takipo kapia ororinari, kireu apimi nikau kapiae sinipo kapia emeserinaxi nanuwa. 4 Tini2.4 1 Ko 10.24; 10.33; 13.5 takipo xuru kireni yakuwaku. Xuwe. Tini kireni kirenie takipo kireu xuiapu nikau xuru yakunari tianikari ati puropineri.
Kristusue nukou wenumu ororati, Xoiteue nu xouroretai
5 Kristusu Yesusu nukoe tipuroyai nanunanu sieni tini2.5 Mt 11.29;Yo 13.15;1 Pi 2.21;1 Yo 2.6 panumu nanunanuni kutu tipura. 6 Nu2.6 Yo 1.1-2; 5.18; 10.33; 17.5;2 Ko 4.4;Kl 1.15;Ip 1.3 Xoiteuni kutu purotaina pana, nu Xoiteu sie puropure pa kapia soki tepure nanuwotaixe. Xuwe. 7 Nu2.7 Yo 1.14;2 Ko 8.9;Ka 4.4;Ip 2.14; 2.17 pa kapia wetina nu aipu saina apu sie sayetai. Nu apu sie putauna, 8 apuni2.8 Mt 26.39; 26.42;Yo 10.17-18;Ro 8.3;Ip 5.8; 12.2 kutu purati apimie xekoteneai. Kakina nukoini nuko ororina Xoiteupo kuna taipa xouna xumotai yause xetai, iyo, kakipa xouna na nikitoto xosa xumotai. 9 Pa xotaparei2.9 Yo 17.1-5;YT 2.33;Ep 1.20-21;Ip 1.3-4 sore Xoiteue Yesusu xourorina xiri xouroni kutu iyarati purina. Kakina Xoiteue kireu kireu weniniki emeserinikina kire wenumu xouroni kutu tuwotai. 10 Nue2.10 Mt 28.18;Ro 14.11;XKY 5.13 pa wenumu2.10-11 Ais 45.23 Yesusu tuwotai xati, xokupa sapie mena xouro puroto ouro puroto ou minika puroto woteneai sapi xeikae Yesusu xekero xonikitapa urukurouneri nu irue puropineri. 11 Kakati2.11 Yo 13.13;YT 2.36;Ro 10.9;1 Ko 8.6 nini xokupae ipaki kunauneria, "Yesusu Kristusu nu Kokaipa," xepineri. Pa kapiarei Xoiteu Emisiki kokaipa wenumu tuwopineri.