Lucas 19

Zaka ondo o eesa emate makeke wa kurǝ a Ashili

1 Yeso ka lyǝ a Yariko, aka ya kala a nyimi apeng naname, 2 na ondooka beya wai na Zaka, oromo ogong a nyimi ana o eesa emate makeke, wai ondo ocǝ kanza. 3 Wa gere o laka o bena mana Yeso, na wata ama ne, aza o bena aromo ne gong arame, a wai kanza waya kpwentiring. 4 Nawa lyǝ izi kato song, na wa zala uti o urǝrǝ orona ka Yeso kaya kala arame, adorana wa cǝ wa laka kai.

5 Nangka Yeso ka dukǝ rame, naka ara okpwe naka beka wai na, "Zaka, jipi a saseya, o ngmeengme, akwilǝ au wa eyang dongdong jipi ne." 6 Nawa jipi a kwarte, a wa embe kai ka lenyong leyende.

7 Nangka aromo ne laka nyimi, na pate one bebeya a tokpwe tone, nane bekaana, "Gwukuu. Ka jipi akwilǝ ondo madinǝ."

8 Na Zaka ere a itǝ, na wa bekaa Ateokora na, "Ateokora, laka. Nannamena pate epa eka eyang ka e eyang ara a tera kang nya ana o dera, a pate ondooka ma iri wai, eyang kuriyǝ wai ka naaze epa eka ma emba a wai."

9 Yeso ka beka wai na, "Ngmeengme na, o boza wa lyǝ akwilǝ ana, o bekaana ba kurǝ a Ashili kanza bo kena ka akora na Ibraheng wai. 10 Kena ka Oromo ka deya dakememe a gera epa eka e wilǝ, ka ka boza e kanza."